இரட்டை இலை யாருக்குச் சொந்தம்? - ஜனவரி 13-ல் மர்மம் விலகலாம்!

இரட்டை இலை சின்னம் யாருக்குச் சொந்தம் என்ற உட்கட்சி பஞ்சாயத்து மீண்டும் தேர்தல் ஆணையத்தின் தீர்ப்புக்குப் போயிருக்கிறது. இதனால், அதிமுக கூட்டணிக்காக பாஜக தலைமை பகீரத பிரயத்தனம் செய்துவரும் நிலையில் சின்னத்தை வைத்து சித்து விளையாட்டுக் காட்டிவிடுவார்களோ என்ற அச்சம் அதிமுக-வினர் மத்தியில் அலையடிக்கிறது.

​ராணுவ கட்டுப்​பாட்டுடன் இருந்த அதி​முக-வுக்​குள் ஜெயலலிதா மறைவுக்​குப் பிறகு அதிகாரப் போட்​டி​யால் ஏகப்​பட்ட குழப்​பங்​கள். அத​னால், மக்​கள் மன்​றத்​தில் அந்​தக் கட்சி தொடர் தோல்வி​களைச் சந்​தித்து வரு​கிறது. கட்​சியை தனது கட்டுப்​பாட்டுக்​குள் கொண்டுவர நினைத்த பழனி​சாமி, 2022 ஜூலை​யில் பொதுக்​குழுவை கூட்டி அதி​முக​வின் இடைக்கால பொதுச்​செய​லா​ளராக பொறுப்​பேற்றுக் கொண்​டார். அதேவேகத்​தில் தனது எதிரியான ஓபிஎஸ் உள்​ளிட்ட 4 முக்கிய தலைகளை கட்​சி​யை​விட்டு நீக்​கி​னார்.

இதனிடையே, 2023-ல் ஈரோடு கிழக்கு இடைத்​தேர்​தலில் இரட்டை இலை சின்னம் யாருக்கு என்ற சர்ச்சை எழுந்​தது. அப்​போது தேர்​தல் ஆணை​யம் அந்​தத் தேர்​தலுக்கு மட்டும் பழனி​சாமி தரப்​பினர் இரட்டை இலையை பயன்​படுத்த அனு​ம​தித்​தது. இந்த உத்​தரவு, நிலுவை வழக்​கு​களின் இறுதி தீர்ப்​புக்கு உட்​பட்டது என​வும் அப்​போது ஆணை​யம் தெளிவுபடுத்​தி​யது.

இந்த நிலை​யில், திண்​டுக்​கல்​லைச் சேர்ந்த சூரியமூர்த்தி என்​பவர் சென்னை உயர் நீ​தி​மன்​றத்​தில் தாக்​கல் செய்த மனு​வில், ‘அ​திமுக உள்​கட்சி விவ​காரம் தொடர்பாக தாக்​கல் செய்​துள்ள உரிமை​யியல் வழக்​கு​கள் முடிவுக்கு வரும் வரை அதி​முக-வுக்கு இரட்டை இலை சின்னத்தை ஒதுக்​கக் கூ​டாது என தேர்​தல் ஆணை​யத்​துக்கு கடந்த பிப்​ரவரி மாதம் மனு அளித்​தேன். இது​வரை​யிலும் எந்த பதி​லும் இல்லை. எனவே, இது தொடர்பாக உரிய உத்​தரவு பிறப்​பிக்க தேர்​தல் ஆணை​யத்​துக்கு உத்​தரவிட வேண்​டும்’ எனக் கோரி​யிருந்​தார்.

இந்த வழக்​கில், “சூரியமூர்த்தி​யின் மனு குறித்து தேர்​தல் ஆணை​யம் 4 வாரங்​களில் முடி​வெடுக்க வேண்​டும். இது தொடர்பாக ஓபிஎஸ் உள்​ளிட்ட அனைத்து தரப்​பினரின் கருத்து​களை​யும் கேட்க வேண்​டும்” என உத்​தர​விட்டது நீ​தி​மன்​றம். இதன்படி 23-ம் தேதி பழனி​சாமி தரப்​பில் முன்​னாள் அமைச்​சர் சி.​வி.சண்​முகம் தேர்​தல் ஆணை​யத்​தில் ஆஜ​ராகி, தங்​கள் தரப்பு ஆட்​சேபங்​கள் அடங்கிய மனுவை அளித்​தார். ஓபிஎஸ் தரப்​பிலும் ஆட்சேப மனு அளிக்​கப்​பட்​டது. ஓபிஎஸ், இபிஎஸ் ஆகியோர் தரப்​பில் அளித்த மனுக்களை வழங்​கி​னால், தனது தரப்பு ஆட்​சேபங்களை தெரிவிக்க இயலும் என சூரியமூர்த்தி தரப்​பிலும் அவ​காசம் கோரி மனு தாக்​கல் செய்​யப்​பட்​டிருப்​பதாக தெரி​கிறது.

இது தொடர்பாக பேசிய சி.​வி.சண்​முகம், “வாதி, பிர​தி​வா​தி​கள் தங்​கள் தரப்பு ஆட்​சேபனைகளை டிசம்​பர் 30-ம் தே​திக்​குள் தாக்​கல் செய்ய வேண்​டும். அதன் மீது ஏதாவது ஆட்​சேபனை​கள் இருந்​தால் ஜனவரி 13-ம் தே​திக்​குள் தெரிவிக்க வேண்​டும் என தேர்​தல் ஆணை​யம் கூறி​யுள்​ளது. சூரியமூர்த்தி அதிமுக உறுப்​பினரே இல்லை. 2021 தேர்​தலில் அதிமுக வேட்​பாளரை எதிர்த்து எம்​ஜிஆர் மக்​கள் கட்சி சார்​பில் போட்​டி​யிட்​ட​வர். இப்​படிப்​பட்​ட​வர் அதிமுக குறித்து கேள்வி கேட்க எந்​தத் தகு​தி​யும் இல்லை” என்​றார்.

ஓபிஎஸ் தரப்பு வழக்​கறிஞர் ராஜலட்​சுமியோ “அ​திமுக அடிப்படை உறுப்​பினர்​களால் தேர்ந்​தெடுக்​கப்​பட்​ட​வர் ஓபிஎஸ். அவர் தான் கட்​சி​யின் ஒருங்​கிணைப்​பாளராக இருந்து கட்​சியை வழிநடத்​தி​னார். 2017 பொதுக்​குழு​வில் இயற்​றப்​பட்ட தீர்​மானங்​கள் சட்ட வி​தி​களுக்கு உட்​பட்டு நிறைவேற்​றப்​பட​வில்லை. அத​னால் இரட்டை இலை சின்னத்தை ஓபிஎஸ்​சுக்கு ஒதுக்க வேண்​டும் என்று வலி​யுறுத்தி இருக்​கிறோம்” என்​றார்.

இது​குறித்து பேசிய முன்​னாள் அமைச்​சர் செம்​மலை, “இரட்டை இலை சின்னம் பழனி​சாமிக்கு தான் என நீ​தி​மன்​றங்​கள் தீர வி​சா​ரித்து தீர்ப்​பளித்​துள்ளன. அதை உச்ச நீ​தி​மன்​ற​மும் உறுதி செய்​துள்ளது. இந்​திய தேர்​தல் ஆணை​ய​மும் அத்​தீர்ப்புகளை ஏற்றுக்​கொண்டு இரட்டை இலை சின்னத்தை ஒதுக்கி​யுள்​ளது. ஒரு இடைக்கால நிலுவை மனுவுக்கு ஒரு வாய்ப்பு அளிக்க நீ​தி​மன்​றம் உத்​தர​விட்​டுள்​ளது. அதற்காக தேர்​தல் ஆணை​யம் கருத்துகளை கேட்டு வரு​கிறது. ஆனால், இரட்டை இலை அதி​முக-வுக்கு உறுதி செய்​யப்​பட்டு​விட்​டது” என்​றார். அதி​முக-​வின் பிரம்​மாஸ்​திரமான இரட்டை இலை யாருக்​குச் சொந்தம் என்ற மர்மம் ஜனவரி 13-ம் தேதி விலகும் என எதிர்பார்க்கலாம்!