மக்கள் எதிர்பார்க்கும் கூட்டணியை அமைப்போம்: அதிமுக பொதுச் செயலாளர் பழனிசாமி உறுதி

சேலம்: மக்கள் எதிர்​பார்க்​கும் கூட்​ட​ணியை அமைப்​போம் என்று அதிமுக பொதுச் செயலாளர் பழனிசாமி கூறினார்.

இந்திய ஜனநாயக கட்சி, அமமுக, பாமக, திமுக உள்ளிட்ட பல்வேறு கட்சிகளைச் சேர்ந்த 1,000-க்​கும் மேற்​பட்​டோர் அதிமுக​வில் இணையும் நிகழ்ச்சி சேலம் மாவட்டம் ஆத்தூரில் நேற்று நடைபெற்​றது. இதில் பழனிசாமி பேசி​ய​தாவது: திமுகவை ஒழிக்க வேண்​டும் என்ப​தற்காக தொடங்​கப்​பட்ட கட்சி அதிமுக. இக்கட்​சி​யில் இணைவோருக்கு எப்போதும் உரிய மரியாதை தரப்​படும். அம்மா மினி கிளினிக் திட்​டம், தாலிக்கு தங்கம் உள்ளிட்ட பல திட்​டங்களை திமுகஅரசு ரத்து செய்​து​விட்​டது.

திமுக தேர்தல் அறிக்கை​யில் 100 நாள் வேலை​வாய்ப்புத் திட்​டத்தை 120 நாட்​களாக உயர்த்து​வதாக அறிவித்​தனர். ஆனால் இதுவரை அதை செயல்​படுத்​தவில்லை. குடி மராமத்து திட்​டத்​தை​யும் நிறுத்​தி​விட்​டனர். அதிமுக ஆட்சி​யில் கொண்டு​வரப்​பட்ட திட்​டங்களை திமுக அரசு கிடப்​பில் போட்டு​விட்​டது.

தமிழகத்​தில் தினமும் பாலியல் வன்கொடுமை நடக்​கிறது. சட்டம்​-ஒழுங்கு சீர்​குலைந்​துள்ளது. இதுவரை கஞ்சா புழக்​கத்​தைக் கட்டுப்​படுத்​தவில்லை. சொத்து வரி, மின் கட்டணம் என அனைத்​தும் உயர்த்தி, மக்களுக்கு மிகுந்த சுமை​யைக் கொடுக்​கின்​றனர். கூட்​ட​ணியை நம்பித்​தான் திமுக தேர்​தலில் போட்​டி​யிடு​ கிறது. ஆனால், அதிமுக மக்களை நம்பியே தேர்தலை சந்திக்​கிறது. வரும் சட்டப் பேரவைத் தேர்​தலில் பொது​மக்கள் எதிர்​பார்க்​கும் கூட்​ட​ணியை அதிமுக அமைக்​கும். இவ்வாறு பழனிசாமி பேசினார்.

பின்னர் செய்தி​யாளர்​களிடம் பேசிய பழனிசாமி, “மத்திய அமைச்சர் அமித்ஷா குறித்த சர்ச்சைக்கு முன்​னாள் அமைச்​சர் ஜெயக்​கு​மார் ​விளக்​கம் ​அளித்துள்ளார். அது என்னுடைய கருத்​து​தான்” என்​றார்.