பாலியல் தொல்லை: கல்வியியல் பல்கலை. முன்னாள் பதிவாளரை இதுவரை கைது செய்​யாதது ஏன்? - ஐகோர்ட் கேள்வி

மதுரை: மதுரை​யில் கல்வி​யியல் கல்லூரி பெண் முதல்​வருக்கு பாலியல் தொல்லை அளித்த கல்வி​யியல் பல்கலைக்கழக முன்​னாள் பதிவாளரின் முன்​ஜாமீன் மனு தள்ளுபடி செய்​யப்​பட்டும், இன்னும் அவரைக் கைது செய்​யாதது ஏன்? என உயர் நீதி​மன்றம் கேள்வி எழுப்​பி​யுள்​ளது.

மதுரையைச் சேர்ந்த பெண் பேராசிரியர், உயர் நீதி​மன்ற மதுரை அமர்​வில் தாக்கல் செய்த மனுவில் கூறி​யிருப்​ப​தாவது: மதுரை​யில் உள்ள தனியார் கல்வி​யியல் கல்லூரி​யில் முதல்​வ​ராகப் பணியாற்றி வருகிறேன். எங்கள் கல்லூரி தமிழ்​நாடு கல்வி​யியல் பல்கலைக்​கழகத்​தின் ஆளுகைக்கு உட்பட்​டது. கல்வி​யியல் பல்கலை. பதிவாளராக ராமகிருஷ்ணன் பொறுப்​பேற்​றார். அவரை வாழ்த்து​வதற்காக சென்னை சென்​ற​போது புகைப்​படம் எடுத்​துக் கொண்​டோம். 2 நாட்கள் கழித்து என்னிடம் பேசிய பதிவாளர், தன்னுடன் நெருங்கி பழகினால் சிண்​டிகேட்​டில் பதவி பெற்றுத் தருவதாக தெரி​வித்​தார்.

பாலியல் தொல்லை: மேலும் சென்னைக்கு தனியாக வாருங்​கள், சொகுசு விடு​தி​யில் அறை எடுத்து தருகிறேன் என்றும் கூறினார். தொடர்ச்​சியாக எனது புகைப்​படத்தை மார்ஃபிங் செய்​தும், அலைபேசி மூலமாக​வும் பாலியல் தொல்லைகொடுத்து வந்தார். இது தொடர்பாக உயர் கல்வித்​துறை செயலரிட​மும், திரு​மங்​கலம் அனைத்து மகளிர் காவல் நிலை​யத்​தி​லும் புகார் அளித்​தேன். பின்னர் அவர் பதிவாளர் பொறுப்​பில் இருந்து நீக்​கப்​பட்​டார்.

திருமங்​கலம் அனைத்து மகளிர் போலீ​ஸார் செப்​டம்பர் மாதம் வழக்​குப்​ப​திவு செய்​தனர். இருப்​பினும் ராமகிருஷ்ணனைக் கைது செய்ய நடவடிக்கை எடுக்க​வில்லை. அவரது முன்​ஜாமீன் மனு உயர் நீதி​மன்​றத்​தில் தள்ளுபடி செய்​யப்​பட்​டது. அதன் பிறகும் அவரை போலீ​ஸார் கைது செய்ய​வில்லை. இந்த வழக்கை திரு​மங்​கலம் மகளிர் போலீ​ஸார் விசா​ரித்​தால் எனக்கு நீதி கிடைக்​காது. எனவே, வழக்கை வேறு விசாரணை அமைப்​புக்கு மாற்றி உத்தரவிட வேண்​டும். இவ்வாறு மனுவில் கூறியிருந்​தார்.

இந்த மனு நீதிபதி நிர்​மல்​கு​மார் முன்பு விசா​ரணைக்கு வந்தது. பின்னர் நீதிபதி, “வழக்​குப்​ப​திவு செய்து பல மாதங்கள் ஆகிறது. குற்​றம்​சாட்​டப்​பட்ட நபருக்கு முன்​ஜாமீன் வழங்க நீதி​மன்றம் மறுத்து​விட்​டது. ஆனால் இதுவரை அவர் மீது ஏன் எந்த நடவடிக்கை​யும் எடுக்க​வில்​லை?” எனக் கேள்வி எழுப்​பினார்.

டிச.20-க்கு தள்ளிவைப்பு: அதைத் தொடர்ந்து, “ஒரு கல்லூரி​யின் பெண் முதல்​வருக்கே இந்த நிலை என்றால் சாதாரண மக்களின் நிலை என்ன?” எனக் கேட்ட நீதிபதி, இந்த வழக்​கில் மதுரை ​மாவட்ட ​காவல்​துறை கண்​காணிப்​பாளர், இதுவரை எடுத்த நட​வடிக்கைகள் குறித்த நிலை அறிக்கை​யைத் ​தாக்​கல் செய்ய உத்​தர​விட்டு ​விசா​ரணையை டிச.20-ம் தே​திக்​கு தள்​ளிவைத்​தார்.