திண்டுக்கல் தீ விபத்​தில் 6 பேர் உயிரிழந்த தனியார் மருத்துவமனையில் நிபுணர்கள் ஆய்வு

திண்​டுக்கல்: தீ விபத்து நேரிட்ட திண்​டுக்கல் தனியார் மருத்​துவ​மனை​யில் தடயவியல் நிபுணர்கள் நேற்று ஆய்வு மேற்​கொண்​டனர்.

திண்​டுக்​கல்​லில் உள்ள சிட்டி மருத்​துவ​மனை​யில் நேற்று முன்​தினம் இரவு மின் கசிவால் ஏற்பட்​ட​ தீ விபத்​தில் என்ஜிஓ காலனியைச் சேர்ந்த ராஜசேகர் (36), அவரது மகள் கோபிகா (6), பாலதிருப்பதி மணிமுருகன் (30), அவரது தாயார் மாரி​யம்​மாள் (50), தேனி மாவட்டம் சீலம்​பட்டி சுருளி (50), அவரது மனைவி சுப்பு​லட்​சுமி (45) ஆகியோர் உயிரிழந்​தனர். அவர்​களது உடல்கள் பிரேதப் பரிசோதனைக்​குப் பிறகு உறவினர்​களிடம் நேற்று ஒப்படைக்​கப்​பட்டன.

இந்நிலை​யில், மதுரை தடயவியல் துறை துணை இயக்​குநர் காஜாமைதீன் தலைமையிலான குழு​வினர் நேற்று மருத்​துவ​மனை​யில் ஆய்வு மேற்​கொண்​டனர். ரூ.3 லட்சம் நிவாரணம் விபத்​தில் காயமடைந்து, திண்​டுக்கல் அரசு மருத்​துவ​மனை​யில் சிகிச்சை பெற்று​வரு​வோரை அமைச்​சர்கள் மா.சுப்​பிரமணி​யன், ஐ.பெரியசாமி, அர.சக்​கர​பாணி ஆகியோர் நேற்று சந்தித்து ஆறுதல் கூறினர். பின்னர் அமைச்சர் மா.சுப்​பிரமணியன் செய்தி​யாளர்​களிடம் கூறும்போது, “மின் கசிவு காரணமாக தீ விபத்து நேரிட்​டுள்​ளது. முதல்வர் அறிவித்​தபடி உயிரிழந்த 6 பேரின் குடும்பத்​தினருக்கு தலா ரூ.3 லட்சம், பலத்த காயமடைந்த 4 பேருக்கு தலா ரூ.1 லட்சம், லேசான காயமடைந்த 31 பேருக்கு தலா ரூ.50 ஆயிரம் நிவாரணத் தொகை வழங்​கப்​பட்​டுள்​ளது” என்றார்.

தலைவர்கள் இரங்கல்: ​திண்​டுக்கல் மருத்​துவ​மனை​யில் நேரிட்ட தீ விபத்​தில் உயிரிழந்​தவர்​களின் குடும்பத்​தினருக்கு அதிமுக பொதுச் செயலாளர் பழனிசாமி, பாஜக மாநிலத் தலைவர் அண்ணா​மலை, முன்​னாள் முதல்வர் ஓ.பன்னீர்​செல்​வம், தமிழக காங்​கிரஸ் தலைவர் கு.செல்​வப்​பெருந்​தகை, இந்திய கம்யூனிஸ்ட் மாநிலச் செயலாளர் இரா.​முத்​தரசன், தமாகா தலைவர் ஜி.கே.வாசன் உள்ளிட்​டோர் இரங்கல் தெரி​வித்​துள்ளனர். மேலும், மருத்​துவ​மனை​களில் உரிய பாது​காப்பு மற்றும் முன்னெச்​சரிக்கை நடவடிக்கை கள் மேற்​கொள்​ளப்​பட்​டுள்ளதா என்பதை உறுதி​செய்ய வேண்டும் என்று வலி​யுறுத்​தி​ உள்​ளனர்​.