புதிய தலைமுறை ரசிகர்களை உருவாக்கு​கிறோம்: கர்னாடக இசை கலைஞர் நித்​யஸ்ரீ மகாதேவன் பெரு​மிதம்

சென்னை: இருட்டை விமர்​சித்​துக் கொண்​டிருப்​ப​தை​விட, ஒரு மெழுகு​வத்​தியை ஏற்றிவைப்பது சிறந்த செயல் என்பர். அப்படிப்​பட்ட ஒரு செயலைத்​தான் சென்னை, மயிலாப்​பூர் ஃபைன் ஆர்ட்​ஸில் கடந்த ஞாயிறன்று, உலக கர்னாடக இசைக் கலைஞர்​களின் கூட்​டமைப்பு முன்னெடுத்​தது.

டிசம்பர் மாதத்​தில் எண்ணற்ற சபாக்​களால் நடத்​தப்​படும் ஆயிரக்​கணக்கான மார்கழி இசை, நாட்டிய திரு​விழாக்​களின் சிறப்​புக்காக இந்தியா​வின் கலாச்சார தலைநகராக சென்னை மாநகரம் கொண்​டாடப்​பட்​டாலும், சபாக்​களில் ரசிகர்​களின் கூட்டம் குறைந்​து​கொண்டே வருகிறது.

கர்னாடக இசை உலகுக்கு புதிய ரசிகர்களை உருவாக்​கும் உத்தியை உலக கர்னாடக இசைக் கலைஞர்​களின் கூட்​டமைப்​பின் தலைவர் சுதா ரகுநாதனின் வழிநடத்​துதலுடன் நித்​யஸ்ரீ மகாதேவன் முன்னெடுத்​தது​தான் `ரசிகனை உருவாக்​கும் திட்​டம்' (Create a Rasika - CAR).

புதிய தலைமுறை ரசிகர்களை உருவாக்கு​வதற்காக முச்​சந்​தி​களிலோ, பூங்​காக்​களிலோ, மக்கள் கூடும் சந்தை​களிலோ, பேருந்​துகளிலோ, ரயில்​களிலோ கச்சேரிகளை நடத்​தவில்லை. மாறாக, அரசுப் பள்ளி​கள், அரசு உதவி பெறும் பள்ளி​கள், தனியார் பள்ளிகள் தோறும் சென்று கர்னாடக இசையை ரசிப்​ப​தில் குழந்தை​களிடம் இருக்​கும் மனத்​தடைகளை அகற்றும் பயிற்​சிப்பட்டறைகளை நடத்​தினர்.

இந்தப்பட்டறை​களின் பலனாக கர்னாடக இசையைக் குறித்து இன்னும் அதிகம் தெரிந்து கொள்ள ஆர்வம் தெரிவிக்​கும் மாணவர்​களுக்கு `மாணவ கர்னாடக இசைத் தூது​வர்' என்னும் அடையாள அட்டையை வழங்கி அவர்​களின் இசைத் திறனை வளர்ப்​ப​தற்கான முயற்சிகளை எடுக்​கின்​றனர்.

அப்படித் தேர்ந்​தெடுக்​கப்​பட்டமாணவர்​களுக்கு, 'மாணவ கர்னாடக இசைத் தூது​வர்' அடையாள அட்டை வழங்​கும் விழா​வில் இந்த திட்​டத்தை செயல்​படுத்திய நித்​யஸ்ரீ மகாதேவன் பேசி​ய​தாவது: இளம் இசைக் கலைஞர்​களும் நிபுணத்துவம் வாய்ந்த பிரபல இசைக் கலைஞர்​களும் கைகோத்​து​தான் இத்தகைய மகத்தான பணியைச் செய்ய முடிந்​தது.

அனைவரது உழைப்பும் அனுபவ​மும் இந்தத்திட்​டத்​தில் அடங்​கி​யுள்​ளது. கடந்த இரண்டு, மூன்று மாதங்​களில் 30-ல் இருந்து 35 பள்ளி மாணவர்களை சந்தித்து, அவர்களை ஒருங்​கிணைத்து, அவர்​களுக்கான இசைப் பயிற்​சிப் பட்டறைகளை நடத்​தினோம்.

கர்னாடக இசையைப் பற்றிய சுவாரஸ்​யமான அறிமுகத்தை வழங்​கு​வதுடன், கர்னாடக இசையைக் குறித்து மாணவர்​களிடம் காணப்​படும் தவறான கற்பிதங்​களை​யும் போக்​கும் வகையில் காணொலிகள், இசைக் கலைஞர்​களின் நேரடி விளக்​கத்​துடன் பயிற்​சிப் பட்டறைகளை நடத்​தினோம். இந்த முயற்​சி​யின் பலன்​தான் இந்த மேடை​யில் `மாணவ கர்னாடக இசைத் தூது​வர்' அடையாள அட்டையைப் பெற்றிருக்​கும் மாணவர்​கள்.

ஏறக்​குறைய 650 மாணவர்கள் கர்னாடக இசைத் தூது​வர்​களாக விருப்பம் தெரி​வித்து பதிவு செய்​துள்ளனர். இப்படி தேர்ந்​தெடுக்​கப்​பட்​டிருக்​கும் மாணவர்​களுக்கு இந்த ஆண்டு மார்கழி இசைக் கச்சேரிகளை நேரடியாக கேட்டு ரசிப்​ப​தற்காக இலவச அனும​தியை பல சபாக்கள் தருவதற்கு முன்​வந்​திருக்​கின்றன.

தேர்ந்​தெடுக்​கப்​பட்ட கர்னாடக இசைத் தூதர்கள் அனைவரை​யும் ஒருங்​கிணைக்​கும் விழா டிச.25-ம் தேதி சென்னை, ராதாகிருஷ்ணன் சாலை​யில் உள்ள உட்லேண்ட்ஸ் ஓட்டலில் மாலை 3 மணி அளவில் நடைபெற​விருக்​கிறது. இந்தக் குழந்தைகள் மற்ற குழந்தை​களை​யும் இந்தத் திட்​டத்​தில் சேர்ப்​ப​தற்கு உதவியாக இருப்​பர். இதன் மூலம் கர்னாடக இசையை ரசிக்​கும் ஒரு புதிய தலைமுறை ரசிகர்கள் கர்னாடக இசை உல​கத்​துக்கு கிடைப்​பார்​கள்" என்​றார்.