ர​யில்வே தொழிற்​சங்க அங்கீகார தேர்​தலில் 89 சதவீத வாக்​குப்​ப​திவு: டிச. 12-ம் தேதி முடிவுகள் வெளி​யாகும்

சென்னை: தெற்கு ரயில்​வே​யில் சென்னை உட்பட 6 ரயில்வே கோட்​டங்​களில் நடைபெற்ற தொழிற்​சங்க அங்கீ​காரத் தேர்​தலில், தபால் ஓட்டுகளை தவிர்த்து, 88.91 சதவீதம் ஓட்டுக்கள் பதிவாகி​யுள்ளன. இத்தேர்தல் முடிவு வரும் 12-ம் தேதி அறிவிக்​கப்பட உள்ளது.

ரயில்​வே​யில் முதல் முறையாக 2007-ம் ஆண்டில் தொழிற்​சங்க அங்கீ​காரத் தேர்தல் நடைபெற்​றது. அத்தேர்​தலில் வெற்றி​பெற்று அங்கீ​காரம் பெற்ற தொழிற்​சங்​கங்கள் ரயில்வே நிர்​வாகத்​துடன் பேச்சு​வார்த்​தை​யில் பங்கேற்றன.

கடந்த 2013-ல் நடைபெற்ற தேர்தலில், தெற்கு ரயில்வே மஸ்தூர் யூனியன் (எஸ்​ஆர்​எம்​​யு) வெற்றி பெற்​றது. இதன்​பிறகு, பல காரணங்​களால் தொழிற்​சங்க அங்கீ​காரத் தேர்தல் நடைபெறாமல் இருந்​தது. மீண்​டும் அங்கீ​காரத் தேர்தல் நடத்த தொழிற்​சங்​கங்கள் வலியுறுத்தி வந்தன.

இதனைதொடர்ந்து, ரயில்வே தொழிங்​சங்க அங்கீ​காரத் தேர்தல் டிச.4, 5, 6 ஆகிய தேதி​களில் நடைபெற்​றது. தெற்கு ரயில்​வே​யில் தட்ஷிண ரயில்வே எம்ப்​ளா​யிஸ் யூனியன் (டிஆர்​இ​யு), தட்ஷின ரயில்வே கார்​மிக் சங்கம், ரயில் மஸ்தூர் யூனியன், தெற்கு ரயில்வே ஊழியர்கள் சங்க், தெற்கு ரயில்வே மஸ்தூர் யூனியன் (எஸ்​ஆர்​எம்யு) ஆகிய தொழிங்​சங்​கங்கள் தேர்​தலில் போட்​டி​யிட்டன.

தெற்கு ரயில்​வே​யில் சென்னை, திருச்சி, மதுரை உட்பட 6 ரயில்வே கோட்​டங்​களில் 140 வாக்​குசாவடிகளில் வாக்​குப்​ப​திவு நடைபெற்​றது. பெரும்​பாலான இடங்​களில் ரயில்வே ஊழியர்கள் ஆர்வமாக வாக்​களித்​தனர்.

ஓரிரு இடங்களை தவிர, பெரும்​பாலான இடங்​களி​லும் வாக்​குப்​ப​திவு அமைதியாக நடைபெற்​றது. இத்தேர்​தலில் தபால் ஓட்டுகள் தவிர்த்து 88.91 சதவீதம் ஓட்டு பதிவாகி​யுள்ள தாக ரயில்வே தரப்​பில் தெரிவிக்​கப்​பட்​டுள்​ளது. மேலும், ஓட்டுகள் எண்ணிக்கை மற்றும் முடிவுகள் அறிவிப்பு டிச.12-ம் தேதி நடைபெறவுள்​ளது.

இதுகுறித்து ரயில்வே தொழிற்சங்க நிர்​வாகி ஒருவர் கூறிய​தாவது: தெற்கு ரயில்​வே​யில் மொத்த வாக்​காளர்கள் எண்ணிக்கை 76,653. இதில் தபால் ஓட்டுகள் தவிர்த்து, 68,153 பேர் வாக்​களித்​துள்ளனர். வாக்கு எண்ணிக்கை வரும் 12-ம் தேதி எண்ணப்​பட்டு முடிவு அறிவிக்​கப்பட உள்ளது. பல இடங்​களில் எஸ்ஆர்​எம்யு மற்றும் டிஆர்இயு இடையே கடுமையான போட்டி நிலவியது. இருப்​பினும், முடிவுகள் என்ன என்பது விரை​வில் தெரிய​வரும். இவ்வாறு அவர் கூறினார்.

இந்த​முறை தேர்​தலில், டிஆர்​இயு வெற்றி​பெற்று அங்​கீ​காரம் பெறும் என்​றும் எஸ்​ஆர்​எம்யு அமோக வெற்றி​பெறும் என்​றும் அந்​தந்த தொழிற்​சங்​கத்​தினர் தெரி​வித்து வரு​கின்​றனர்​.