உயர் ரத்த அழுத்​தம், சர்க்கரை நோய்​களுக்கான திருத்​தப்​பட்ட வழிமுறைகளை பின்​பற்ற வேண்​டும்: பொது சுகா​தாரத் துறை

சென்னை: அனைத்து மாவட்ட சுகாதார அலுவலர்​களுக்​கும் பொது சுகா​தாரத் துறை இயக்​குநர் செல்​வ​விநாயகம் அனுப்​பி​யுள்ள சுற்​றறிக்கை:

சர்க்கரை நோய் மற்றும் உயர் ரத்த அழுத்த பாதிப்புகளை சமூகத்​தில் கண்டறிந்து சிகிச்சை அளிப்​ப​தற்காக பல்வேறு வழிகாட்டு​தல்​களும், செயல் திட்​டங்​களும் நடைமுறைப்​படுத்​தப்​பட்டு வருகின்றன. அதற்கான வழிமுறைகள் சூழலுக்​கேற்ப திருத்​தப்​பட்டு வருகின்றன. மக்களைத் தேடி மருத்​துவம் திட்டம் உள்ளிட்ட அனைத்து சுகாதார நலத்திட்​டங்​களில் பங்கேற்​பவர்கள் மற்றும் சுகாதார நிலைய மருத்​துவப் பணியாளர்​களுக்கு அதற்கான தகவல்கள் பகிரப்​பட்​டுள்ளன. இருந்த​போ​தி​லும், புதிய வழிமுறை​களுக்கு மாற்றாக பழைய நடைமுறைகளே பல இடங்​களில் பின்​பற்​றப்​பட்டு வருவது கண்டறியப்​பட்​டுள்​ளது.

சுகா​தாரத் துறை​யினரிடையே உரிய விழிப்பு​ணர்வு இல்லாததே அதற்கு காரணம் என தெரிய​வந்​தது. அதுமட்டுமல்​லாது புதிய வழிமுறைகளை ஒருங்​கிணைந்த ஒரே விளக்கப் படமாக வழங்க வேண்​டும் என்ற கோரிக்கை​யும் எழுந்​தது. அதனடிப்​படை​யில் சர்க்கரை நோய், உயர் ரத்த அழுத்​தத்​துக்கான சிகிச்சை மற்றும் பரிசோதனை வழிமுறைகள் ஒரே விளக்​கப்​படமாக தயாரிக்​கப்​பட்டு வெளி​யிடப்​பட்​டுள்​ளது.

அதனை அனைத்து ஆரம்ப சுகாதார நிலை​யங்​களி​லும், மருத்துவ மையங்​களி​லும் மருத்​துவப் பணியாளர்​களுக்கு தெளிவாக தெரி​யும் வகையில் காட்​சிப்​படுத்த வேண்​டும். அதுமட்டுமல்​லாது, விளக்​கப்​படத்தை ஏ3 அளவில் அச்சு பிரதி​யெடுத்து லேமினேசன் செய்து தேவைப்​படும் போது அதனை சரிபார்த்​துக் கொள்ள வகை செய்ய வேண்​டும். இந்த அறிவுறுத்​தல்களை வரும் 15-ம் தேதிக்​குள் செயல்​படுத்தி அதற்கான அறிக்கையை உரிய அதிகாரி​களுக்கு தெரிவிக்க வேண்​டும். இவ்​வாறு அ​தில் கூறப்​பட்டுள்​ளது.