பாலியல் புகாருக்கு உள்ளானவர்களுக்கு விடுதலை: பழனிசாமி, அண்ணாமலை, பிரேமலதா கண்டனம்

சென்னை: மனநலம் பாதிக்​கப்​பட்ட மாணவியை பாலியல் வன்கொடுமை செய்தவர்களை விடுதலை செய்த காவல் துறைக்கு அதிமுக பொதுச்​செய​லாளர் பழனிசாமி, தமிழக பாஜக தலைவர் அண்ணா​மலை, தேமுதிக பொதுச் செயலாளர் பிரேமலதா உள்ளிட்டோர் கண்டனம் தெரி​வித்​துள்ளனர். இது தொடர்பாக அவர் வெளி​யிட்ட அறிக்கை​யில் கூறி​யிருப்​ப​தாவது:

அதிமுக பொதுச்​செய​லாளர் பழனிசாமி: சென்னை அயனாவரம் பகுதியை சேர்ந்த மனநலம் குன்றிய கல்லூரி மாணவியை 10-க்​கும் மேற்​பட்​டோர் தொடர் பாலியல் வன்கொடுமைக்கு ஆளாக்கிய செய்தி அதிர்ச்​சி​அளிக்​கிறது. இது சம்பந்​தமாக பாதிக்​கப்​பட்ட பெண்​ணின் தந்தை புகார் அளித்த நிலை​யில், வழக்​கம்​போல் காவல்​துறை மிக அலட்சிய போக்​குடன் செயல்​பட்​டுள்​ளது. புகாரளித்​தவர்கள் அலைக்​கழிக்​கப்​பட்​டுள்​ளனர்.

பெண்​களுக்கு எதிரான குற்​றங்கள் குறித்து புகார் வந்தால், அதன் தீவிரத்​தன்​மையை உணர்ந்து முறையாக விசா​ரிக்க வேண்​டும் என்பதுகூட காவல் ​துறைக்கு தெரி​யாதா? பெண்​களுக்கு எதிரான வழக்​குகளை மெத்​தனப் போக்​குடன் கையாளும் திமுக அரசுக்குஎனது கண்டனங்​கள்.

அண்ணா​மலை: சென்னை அயனாவரம் பகுதி​யில் மனநலம் பாதிக்​கப்​பட்ட கல்லூரி மாணவியை 7 பேர் கொண்ட கும்பல் கடந்த பல மாதங்களாக பாலியல் வன்கொடுமைக்கு உள்ளாக்கிய செய்தி மிகுந்​தஅ​திர்ச்சி அளிக்​கிறது. இதுகுறித்து மாணவி​யின் தந்தை, அயனாவரம் காவல் நிலை​யத்​தில் புகார் அளித்​தும், குற்​றவாளி​களுக்கு எச்சரிக்கை மட்டும் அளித்து, விடுதலை செய்திருக்கின்​றனர். பாலியல் வன்முறை குறித்த புகாருக்கு உள்ளானவர்களை விடுதலை செய்​யும் அதிகாரத்தை காவல் துறைக்கு யார் கொடுத்​தது? இந்த சம்பவம் குறித்து முதல்வர் எதுவும் தெரிவிக்​காதது ஏன்? இதற்கு முதல்வர் விளக்​கமளிக்க வேண்​டும்.

பிரேமலதா: பாலியல் குற்றவாளிகளை விடுவிக்​கும் அதிகாரத்தை காவல் துறைக்கு யார் கொடுத்​தது? விலங்​கு​களைவிட மிகவும் கீழ்த்​தர​மாக, மனநலம் பாதிக்​கப்​பட்ட மாணவியை பாலியல் வன்கொடுமை செய்தகயவர்களை இந்த நாடும் மன்னிக்​காது, தமிழக மக்களும் மன்னிக்க மாட்​டார்​கள்.

தமாகா தலைவர் ஜி.கே.வாசன்: மனநலம் பாதிக்​கப்​பட்ட ஒரு பெண்​ணின் மீது பாலியல் வன் கொடுமை​யில் ஈடுபட்ட குற்​றவாளிகளை உடனடியாக கைது செய்து, சிறை​யில் அடைத்து அவர்​களுக்கு கடுமையான தண்டனை பெற்றுத்தர நடவடிக்கைகளை மேற்​கொள்ள வேண்​டியது தமிழக அரசின் கடமை. ஆனால், குற்​றவாளிகளை எச்சரித்து அனுப்பிய காவல்​துறை​யினரின் நடவடிக்கைகள் முறை​யானதாக இல்லை. காவல்​துறை​யினர் மீது தமிழக அரசு நடவடிக்கை மேற்​கொள்ள வேண்​டும்.

அமமுக பொதுச்​செய​லாளர் டிடிவி தினகரன்: மனநலம் பாதிக்​கப்​பட்ட மாணவி ஒருவரை ஒராண்​டுக்​கும் மேலாக அடையாளம் தெரியாத கும்பல் பாலியல் வன்கொடுமைக்கு உள்ளாக்கி​யிருப்​பது, தமிழகத்​தில் பெண்​களுக்கு எதிரான குற்​றச்​சம்​பவங்​கள் சர்வ சா​தா​ரண​மாகி வரு​வதையே வெளிப்​படுத்து​கிறது. கும்பலை சேர்ந்த அனை​வரை​யும் கைது செய்து கடுமையான தண்​டனையை பெற்​றுத்​தர வேண்​டும்​.