இந்தி மொழியின் அழகு, சிறப்பை உலகுக்கு வெளிப்படுத்த வேண்டும்: மத்திய அமைச்சர் வேண்டுகோள்

சென்னை: இளைஞர்கள் தூது​வர்​களாக இருந்து இந்தி மொழி​யின் அழகு, சிறப்பை உலகுக்கு வெளிப்​படுத்த வேண்​டும் என்று சென்னை​யில் நடந்த இந்தி பிரச்சார சபா பட்டமளிப்பு விழா​வில் மத்திய அமைச்சர் சர்பானந்த சோனோவால் தெரி​வித்​துள்ளார்.

சென்னை தியாகராய நகரில் உள்ள தக் ஷின பாரத் இந்தி பிரச்சார சபாவின் 83-வது பட்ட மளிப்பு விழா நேற்று நடைபெற்​றது. சபாவின் தலைவர் வி.முரளிதரன் தலைமை தாங்​கினார். அறங்​காவலர் குழு தலைவர் எம்.எஸ்​.​முரளிதரன், தேசியக் கொடியை ஏற்றி​வைத்து, விழாவை தொடங்கி வைத்​தார். இந்த பட்​டமளிப்பு ​விழாவில் பிர​வீன், ​விஷாரத் தேர்​வு​களில் சு​மார் 8 ஆ​யிரம் பேர் பட்​டம்​ பெற்​றனர்​.

மத்திய துறை​முகம், கப்பல், நீர்​வழித் துறை அமைச்சர் சர்பானந்த சோனோவால் சிறப்பு விருந்​தினராக கலந்​து​கொண்டு, ஒவ்வொரு படிப்​பிலும் முதல் 2 இடங்களை பிடித்​தவர்​களுக்கு தங்கப் பதக்​கங்​கள், பட்டங்களை வழங்​கினார். அவர் பேசி​ய​தாவது:

தேசிய ஒற்றுமையை நிலைநாட்டு​வ​தில் தமிழ் உள்ளிட்ட இந்திய மொழிகள் பெரும் பங்கு வகிக்​கின்றன. இந்த மொழிகள்​தான் நம் அனைவரை​யும் ஒருங்​கிணைக்​கின்றன.

இந்தி நமது கலாச்​சா​ரம், தேச பக்​திக்கு அடிப்​படையாக திகழ்கிறது. மனிதநே​யத்தை ஊக்கு​விக்​கிறது. மற்ற மொழிகளை எளிதாக கற்க உதவு​கிறது. இதுதான் இந்தி​யின் மாபெரும் சக்தி. இந்தியா​வில் எந்த மாநிலத்​துக்கு சென்​றாலும் நம்மை ஒன்று சேர்க்​கும் மொழியாக இந்தி இருக்க வேண்​டும். இளைஞர்கள் இதன் தூது​வர்​களாக இருந்து இந்தி மொழி​யின் அழகு, சிறப்பை உலகுக்கு வெளிப்​படுத்த வேண்​டும். இவ்வாறு அவர் பேசினார்.