அதானியை முதல்வர் சந்திக்கவில்லை: அமைச்சர் செந்தில் பாலாஜி

சென்னை: மின்​துறை அமைச்சர் செந்தில் பாலாஜி நேற்று வெளி​யிட்ட அறிக்கை​: தொழில​திபர் அதானியை முதல்வர் மு.க.ஸ்டாலின் சந்தித்தது போலவும், அதிக விலை கொடுத்து அதானி​யிடம் இருந்து சூரிய ஒளி மின்​சாரம் பெற ஒப்பந்தம் போட்​டிருப்பது போலவும் தொடர்ந்து எதிர்க்​கட்​சிகளும், ஊடகங்​களும் கற்பனையான தகவலை கட்டுக்​கதைகள் போல் வெளி​யிட்டு வருகின்றன.

தமிழக முதல்வர் அதானியைச் சந்திக்​க​வும் இல்லை. அதானி நிறு​வனத்​துடன் நேரடியாக சூரிய ஒளி மின்​சாரம் பெற எந்த ஒப்பந்தமும் போடவும் இல்லை. பிற மாநிலங்​களைச் சேர்ந்த மின்சார வாரி​யங்​களைப் போல தமிழ்​நாடு மின்​வாரிய​மும் மத்திய அரசின் சோலார் எனர்ஜி கார்ப்​பரேஷன் ஆஃப் இந்தியா நிறு​வனத்​துடன் மட்டுமே மின்​சாரம் கொள்​முதல் செய்து வருகிறது.

மத்திய அரசால் கட்டாய​மாக்​கப்​பட்​டுள்ள மரபுசாரா கொள்​முதல் இலக்​குகளை அடைவதற்​கு, தமிழ்​நாடு மின்சார ஒழுங்​கு​முறை ஆணையத்​தின் ஒப்புதல் பெற்று செய்​யப்​பட்ட ஒப்பந்​தங்​களாகும். இதில், எவ்வித முறை​கேடும், விதி​முறை மீறல்​களும் இல்லை.

ஆகவே, இது சம்பந்​தமாக 2024-ம் ஆண்டு அதானி நிறு​வனத்​தின் பிரதி​நி​தியை முதல்வர் சந்தித்​த​தாக கூறுவது ​முற்றி​லும் தவறான தகவல். இதுதொடர்​பாக, பொய் தகவல்​களைத் தொடர்ந்து பரப்பு​வார்​களே​யானால், அவர்​கள் மீது கடும் சட்​டப்​பூர்வ நட​வடிக்கை எடுக்​கப்​படும். இவ்​வாறு செந்​தில் பாலாஜி தெரி​வித்​துள்​ளார்​.