புயல், மழை பாதிப்புக்கான நிவாரணம், இழப்பீட்டை உயர்த்துக: அரசுக்கு தலைவர்கள் வலியுறுத்தல்

சென்னை: புயல் மழையால் பாதிக்​கப்பட்ட கடலூர், விழுப்பு​ரம், கள்ளக்​குறிச்சி மாவட்​டங்​களைச் சேர்ந்த குடும்​பங்​களுக்கான நிவாரணத் தொகையை உயர்த்தி வழங்க வேண்​டும் என அரசியல் தலைவர்கள் வலியுறுத்தி உள்ளனர். இதுதொடர்பாக அவர்கள் வெளி​யிட்​டுள்ள அறிக்கை​:

பாமக நிறு​வனர் ராமதாஸ்: சென்னை​யில் கடந்த ஆண்டு ‘மிக்​ஜாம்’ புயலின்​போது ரூ.6,000 இழப்​பீடு வழங்​கப்​பட்ட நிலை​யில், அவர்களை விட மிக மோசமான பாதிப்பு​களுக்கு உள்ளான கடலூர், விழுப்பு​ரம், கள்ளக்​குறிச்சி மாவட்​டங்​களைச் சேர்ந்த மக்களுக்கு ரூ.2,000 மட்டுமே வழங்​கப்​படும் என்ற அறிவிப்பு மிகவும் அநீதி​யானது. அனைவருக்​கும் குறைந்தது ரூ.10,000, சேதமடைந்த நெற்​ப​யிர்​களுக்கு ஏக்கருக்கு ரூ.40,000 இழப்​பீடு வழங்க வேண்​டும்.

விசிக பொதுச்​செய​லாளர் துரை.ரவிக்​கு​மார் எம்.பி.: வெள்ளம் சூழ்ந்த வீடு​களில் வசிப்​போருக்கு ரூ.5 ஆயிரமாக நிவாரணத்தை உயர்த்தி தரவேண்​டும். விழுப்புரம் மாவட்டத்தில் 19 மீனவக்கிராமங்​களைச் சேர்ந்​தவர்​களுக்​கும் இழப்​பீடு வழங்க வேண்டும்.

இந்திய கம்யூனிஸ்ட் மாநிலச் செயலாளர் இரா.​முத்​தரசன்: உயிரிழந்​தவர்​களின் குடும்பத்​துக்கு ரூ.10 லட்சம் என அறிவிக்க கோரு​கிறோம். விவசாய பாதிப்​புக்கு ஏக்கருக்கு குறைந்த பட்சம் ரூ.25 ஆயிரம் வழங்க வேண்டும்.

தமாகா தலைவர் ஜி.கே.வாசன்: பாதிப்​புக்​குள்ளான அனைத்து தரப்பு மக்களின் வருங்கால விவசா​யம், தொழில் ஆகிய​வற்றைக் கவனத்​தில் கொண்டு நிவாரணத்தை உயர்த்தி முறையாக காலத்தே வழங்க வேண்டும்

முன்​னாள் முதல்வர் ஓ.பன்னீர்​செல்​வம்: எதிர்க்​கட்​சித் தலைவராக இருந்​த​போது, உயிரிழந்​தவர்​களுக்கு ரூ.25 லட்சம், நெற்​ப​யிருக்கு ரூ.30 ஆயிரம் வழங்க வேண்​டும் என்று வலியுறுத்​தி​யவர் முதல்வர் ஸ்டா​லின். எனவே, அவர் தற்போது அறிவித்த நிவாரணத் தொகையை நான்கு மடங்காக உயர்த்தி வழங்க வேண்​டும் இவ்வாறு அவர்கள் கூறி​யுள்​ளனர்.

பழனிசாமி அறிக்கை: அதிமுக பொதுச்​செய​லாளர் பழனிசாமி வெளி​யிட்ட அறிக்கை​யில் கூறி​யிருப்​ப​தாவது: புயலால் பாதிக்​கப்​பட்ட பகுதி​களில் மண்டபங்​கள், முகாம்களாக மாற்​றப்​பட்டு, வீடு​களில் இருந்து அழைத்து வரப்​பட்​டுள்ள மக்கள் தங்கவைக்கப்​பட்​டுள்​ளனர். இந்நிலையில், முகூர்த்தம் போன்ற பல்வேறு காரணங்​களைக் கூறி மக்களை வலுக்​கட்​டாயமாக முகாமிலிருந்து திமுக அரசு வெளியேற்றி வருவதாக செய்திகள் வருகின்றன.

பேரிடர் காலங்​களில் மக்களுக்கான குடிநீர், உணவு, உறைவிடம் உள்ளிட்ட அடிப்படை தேவைகளைக் கூட ஒழுங்காக நிறைவேற்ற முடியாத திமுக அரசுக்கு கடும் கண்டனத்தை தெரி​வித்​துக் கொள் ​கிறேன். இயல்​புநிலை திரும்​பும் வரை மக்களுக்கான அனைத்து தேவை​களும் தடையின்றி கிடைக்க வேண்​டும். இவ்வாறு அதில் கூறப்​பட்​டுள்​ளது.