மாற்றுத் திறனாளி இசை கலைஞர்களின் சாதனைகள் அசாத்தியமானவை: மியூசிக் அகாடமி தலைவர் என்.முரளி புகழாரம்

சென்னை: மாற்றுத் ​திறனாளி இசைக் கலைஞர்களை கவுர​வப்​படுத்​தும் வகையில் மாற்றுத் திறனாளி​களுக்கான இணை இசைத் திரு​விழா மியூசிக் அகாட​மி​யின் சிற்​றரங்​கத்​தில் நேற்று முன்​தினம் நடந்​தது.

‘தி இந்து’ குழும பதிப்​பகத்​தின் இயக்குநரும், மியூசிக் அகாட​மி​யின் தலைவருமான என்.​முரளி விழா​வைத் தொடங்கி​வைத்து பேசி​ய​தாவது: ஸ்டெர்​லிங் நிறு​வனம் மற்றும் ரோட்டரி சங்கம் மெட்​ராஸ் கோர மண்டல் முன்​முயற்​சி​யில் இந்த இணை இசைத் திரு​விழா நடக்​கிறது. விருது பெற்ற கலைஞர்களை தேர்ந்​தெடுத்​திருக்​கும் ரோட்டரி சங்கம் மெட்​ராஸ் கோரமண்​டலுக்​கும், கர்ண வித்யா அறக்​கட்​டளைக்​கும் என்னுடைய வாழ்த்து​களை தெரிவித்துக்கொள்கிறேன்.

இந்த இணை இசைத் திரு​விழா கடந்த 20 ஆண்டு​களாக நடந்​து​வரு​கிறது. இந்த இணை இசைத் திரு​விழா​வின் மூலம் பல்வேறு தடைகளைத் தாண்டி இசைத் துறை​யில் சாதனைகளை நிகழ்த்​தி​யிருக்​கும் கலைஞர்​களுக்கு ஓர் அங்கீ​காரம் கிடைக்​கிறது. மிகுந்த தன்னம்​பிக்கை​யுடன் இசைத் துறை​யில் அவர்கள் நிகழ்த்​தி​யிருக்​கும் சாதனைகள் அசாத்​தி​ய​மானவை என்றார்.

விழா​வில் சிறப்பு கவுரவ விருந்​தினராக பங்கேற்ற மியூசிக் அகாட​மி​யின் ‘சங்கீத கலாநிதி’ விருதுக்கு தேர்வு செய்​யப்​பட்​டிருக்​கும் டி.எம். கிருஷ்ணா, “எதிர்​காலத்​தில் மாற்றுத்திறனாளி இசைக் கலைஞர்​களுக்கான வாய்ப்புகளை அதிகப்​படுத்த வேண்​டும். அவர்​களின் இசையை மக்களிடையே கொண்டு செல்​லும் முயற்சிகளை மேற்​கொள்ள வேண்​டும்” என்றார்.

விழா​வில் பல்வேறு சாதனைகளை நிகழ்த்​தி​யிருக்​கும் மாற்றுத் திறனாளி இசைக் கலைஞர்​களுக்கு விருதுகள் வழங்​கப்​பட்டன. வாய்ப்​பாட்டுக் கலைஞர் எஸ்.ஆர். கிருஷ்ண ​மூர்த்தி (2021), மிருதங்க வித்வான் குரு​வாயூர் துரை (2023), வாய்ப்​பாட்டுக் கலைஞர், வயலின் வித்​வான் பேராசிரியர் பி.பி.ராம கிருஷ்ணன் (2024) ஆகியோ​ருக்கு வாழ்​நாள் சாதனை​யாளர் விருதுகள் வழங்​கப்​பட்டன. மிருதங்க வித்​வான் வலங்​கை​மான் தியாக​ராஜன், வயலின் விதூஷி கோவை எஸ்.உஷா ஆகியோ​ருக்கு மேன்மை பொருந்திய இசைக் கலைஞர் விருது (2023) வழங்​கப்​பட்​டது.

வாய்ப்​பாட்டு மற்றும் வயலின் கலைஞர் அக் ஷயா பார்த்​தசா​ரதி, வயலின் மற்றும் பியானோ கலைஞர் ஜோதி கலை ஆகியோ​ருக்கு நம்பிக்கைக்​குரிய இசைக் கலைஞர் விருது (2023) வழங்​கப்​பட்​டது. ரோட்டரி சங்கம் மெட்​ராஸ் கோரமண்​டல் சங்​கத்​தின் தலை​வர் டாக்​டர் அசோக் ரங்​க​ராஜன் வர​வேற்​புரை ஆற்றினார். சங்​கத்​தின் செய​லா​ளர் க​விதா ராஜேஷ் நன்​றி​யுரை வழங்கினார்​.