கடந்த 2023-24-ம் ஆண்டில் தமிழகத்தின் மொத்த மின்நுகர்வு 742 கோடி யூனிட்கள் அதிகரிப்பு

சென்னை: தமிழகத்​தின் மொத்த மின்​நுகர்வு கடந்த 2023-24-ம் ஆண்டில் 742 கோடி யூனிட் அதிகரித்​துள்ளது.

தமிழகத்​தில் வீடு, வணிக நிறு​வனங்​கள், தொழிற்​சாலைகள் உள்ளிட்ட அனைத்து பிரிவு​களுக்​கும் மின்​விநி​யோகம் செய்​யும் பணியை தமிழக மின்​வாரியம் மேற்​கொண்டு வருகிறது. மாநிலம் முழு​வதும் தினமும் சராசரியாக 30 கோடி யூனிட்மின்​சாரம் பயன்​படுத்​தப்​படு​கிறது. இந்த மின்​நுகர்வு கடந்த ஏப்ரல் 30-ம் தேதி 45.43 கோடி யூனிட்டாக அதிகரித்​தது. இதுவே இதுவரை உச்ச அளவாக உள்ளது.

இதற்​கிடையே, கடந்த ஆண்டில் மொத்த மின்​நுகர்வு அதிகரித்​துள்ளது. இதுகுறித்து மின்​வாரிய அதிகாரிகள் கூறிய​தாவது: சுற்றுச்​சூழல் மாசுபடுவதை தடுக்​க​வும், பெட்​ரோல், டீசலால் ஏற்படும் செலவை குறைக்​க​வும், தற்போது பலரும் மின்சார வாகனங்களை அதிக அளவில் பயன்​படுத்தி வருகின்​றனர். கடந்த 2023-24-ம் ஆண்டில் தமிழகம் முழு​வதும் 193 சார்​ஜிங் மையங்​களில் 35 லட்சம் யூனிட்மின்​சாரம் பயன்​படுத்​தப்​பட்​டது. தவிர, கடந்த மார்ச்​சில் மக்களவை தேர்தல் பிரச்​சாரம் நடைபெற்​றது.

அடுத்​த​தாக, ஏப்ரல், மே மாதங்​களில் கோடை வெயில் சுட்​டெரித்​த​தால் வீடு​களில் ஏசி, மின்​விசிறி உள்ளிட்ட மின்​சாதனங்​களின் பயன்​பாடு அதிகரித்​தது. மின்​நுகர்வு 11,096 கோடி யூனிட் இதுபோன்ற காரணங்​களால் கடந்த மார்ச் மாதத்துடன் நிறைவடைந்த 2023-24 நிதி ஆண்டில், தமிழகத்​தின் மொத்த மின்​நுகர்வு 11,096 கோடி யூனிட்டாக அதிகரித்​துள்ளது. 2022-23 நிதி ஆண்டின் மொத்த மின்​நுகர்வான 10,354 கோடி யூனிட்​டை விட இது 742 கோடி யூனிட் அதிகம். இவ்​வாறு அதிகாரி​கள் தெரி​வித்​தனர்​.