திருப்பதி கோயிலில் முதல்வர் எடப்பாடி பழனிசாமி சுவாமி தரிசனம்

திருப்பதி ஏழுமலையான் கோவிலில் முதல்வர் எடப்பாடி பழனிசாமி சாமி தரிசனம் செய்தார்.

தமிழக முதல்வர் எடப்பாடி பழனிசாமி ஏழுமலையானை தரிசனம் செய்ய திங்கள்கிழமை இரவு திருப்பதி சென்றார். பின்னர் அவரை திருமலையில் திருமலை திருப்பதி தேவஸ்தான இணை நிர்வாக அதிகாரி ஸ்ரீநிவாச ராஜு பூங்கொத்து கொடுத்து வரவேற்றார். இதனைத் தொடர்ந்து முதல்வர் பழனிசாமி, இரவு திருமலையில் உள்ள வராக சுவாமி கோயிலுக்குச் சென்று சுவாமியை தரிசித்தார். இரவு திருமலையில் தங்கிய முதல்வர், இன்று (செவ்வாய்க்கிழமை) காலை ஏழுமலையானை தரிசித்தார்.

அவரை தேவஸ்தான அதிகாரிகள், அர்ச்சகர்கள் வரவேற்று, தரிசன ஏற்பாடுகள் செய்தனர். இதனை தொடர்ந்து, ரங்கநாயக மண்டபத்தில் முதல்வர் பழனிசாமிக்கு, தீர்த்த பிரசாதங்கள் வழங்கி கவுரவிக்கப்பட்டது. பின்னர் அவர் திருமலையிலிருந்து சென்னை புறப்பட்டு சென்றார்.