குரூப்-2 தேர்வுக்கு 5, 6-வது கட்ட கலந்தாய்வு

அரசு சார்நிலைப் பணிகளில் நேர்காணல் மற்றும் நேர்காணல் அல்லாத பணிகளில் ஏற்பட்ட காலியிடங்களை நிரப்புவதற்கு கடந்த 30.7.2011 அன்று எழுத்துத்தேர்வு நடத்தப்பட்டது. இதுவரை, 4 கட்டங்களாக கலந்தாய்வு நடத்தப்பட்டு, காலியிடங்கள் நிரப்பப்பட்டன.

நேர்காணல் உள்ள பணிகளுக்கான 5-வது கட்ட கலந்தாய்வும், நேர்காணல் அல்லாத பணிகளுக்கான 6-வது கட்ட கலந்தாய்வும் செப்டம்பர் 1, 2-ம் தேதிகளில் நடத்தப்பட உள்ளது. இதில் கலந்துகொள்ள தகுதியுடைய நபர்களின் பட்டியல் டிஎன்பிஎஸ்சி இணையதளத்தில் (www.tnpsc.gov.in) வெளியிடப்பட்டுள்ளது. குறிப்பிட்ட நாளில் கலந்தாய்வுக்கு வராத விண்ணப்பதாரர்களுக்கு மறுவாய்ப்பு வழங்கப்படாது என்று டிஎன்பிஎஸ்சி செயலாளர் மா.விஜயகுமார் தெரிவித்துள்ளார்.