நாமக்கல் கொமதேக வேட்பாளர் சூர்யமூர்த்தி

நாமக்கல் மக்களவைத் தொகுதி திமுக கூட்டணியில் கொங்குநாடு மக்கள் தேசியக் கட்சிக்கு (கொமதேக) ஒதுக்கப்பட்டுள்ளது. இதையடுத்து, ஈரோடு மாவட்டம் கொடுமுடி தாலுகாவைச் சேர்ந்த கொமதேக மாநில இளைஞரணி செயலாளர் எஸ்.சூரியமூர்த்தி வேட்பாளராக அறிவிக்கப்பட்டுள்ளார்.

கடந்த 2001-ம் ஆண்டு மொடக்குறிச்சி சட்டப்பேரவை தொகுதியிலும், 2006-ம் ஆண்டு வெள்ளக்கோயில் சட்டப்பேரவை தொகுதியிலும் சுயேச்சையாக போட்டியிட்டு தோல்வி அடைந்தார், 2016-ம் ஆண்டு மொடக்குறிச்சி தொகுதியில் கொமதேக சார்பில் போட்டியிட்டு தோல்வி அடைந்தார்.

1992-ம் ஆண்டு முதல் அரசியலில் ஈடுபட்டு வருகிறார். 2007-ம் ஆண்டு முதல் கொமதேகவில் தலைமை நிலையச் செயலாளர் மற்றும் மாநில இளைஞரணி செயலாளராக உள்ளார்.