மார்ச் 18-ல் மதிமுக நிர்வாகக் குழு, ஆட்சிமன்றக் குழு கூட்டம்

மதிமுக நிர்வாகக் குழு, ஆட்சிமன்றக் குழு கூட்டம் வரும் 18-ம் தேதி நடைபெறும் என அக்கட்சியின் பொதுச்செயலாளர் வைகோ அறிவித்துள்ளார்.

இதுதொடர்பாக அவர் நேற்று விடுத்த அறிக்கையில் கூறியிருப்பதாவது: மக்களவைத் தேர்தலை முன்னிட்டு, மதிமுக நிர்வாகக்குழு கூட்டம் வரும் 18-ம் தேதி காலை 10 மணிக்கு சென்னை, எழும்பூரில் உள்ள கட்சித் தலைமையகத்தில் அவைத்தலைவர் ஆடிட்டர் ஆ. அர்ஜூனராஜ் தலைமையில் நடைபெறும். தொடர்ந்து பிற்பகல் 3 மணியளவில் கட்சியின் ஆட்சிமன்றக் குழுக் கூட்டம் அவைத் தலைவர் தலைமையில் நடைபெறும்.

இக்கூட்டங்களில் உயர்நிலைக்குழு, மாவட்டச் செயலாளர்கள், ஆட்சிமன்றக்குழு, தணிக்கைக்குழு, அரசியல் ஆலோசனைக்குழு, அரசியல் ஆய்வு மையம், ஆகிய அமைப்புகளின் செயலாளர்கள் மற்றும் குழுக்களின் உறுப்பினர்கள், அணிகளின் செயலாளர்கள் ஆகியோர் பங்கேற்பார்கள்