பள்ளி மேலாண்மைகுழு உறுப்பினர் பதவிகாலம் நீட்டிப்பு

சென்னை: பள்ளி மேலாண்மைக் குழு உறுப்பினர்களின் பதவிக் காலத்தை நீட்டித்து துறையின் செயலர் குமரகுருபரன் உத்தரவிட்டுள்ளார். இதுதொடர்பாக அவர் பிறப்பித்த அரசாணையில் கூறியிருப்பதாவது:

தொடக்க, நடுநிலை, உயர்நிலை மற்றும் மேல்நிலைப் பள்ளிகளில் செயல்படும் பள்ளி மேலாண்மைக் குழு உறுப்பினர்களின் பதவிக் காலம் 2024-ம் ஆண்டில் முறையே ஏப்ரல், மே, ஜூலை மாதங்களில் நிறைவடைய உள்ளது. இந்த பதவி காலத்தை ஆகஸ்ட் மாதம் வரை நீட்டித்து ஆணை பிறப்பிக்குமாறு, தமிழ்நாடு மாதிரிப் பள்ளிகள் உறுப்பினர் செயலர், அரசிடம் வேண்டுகோள் விடுத்திருந்தார்.

அதனை ஏற்று, கடந்த 2022-ம்ஆண்டு ஏப்.23-ம் தேதி கட்டமைக்கப்பட்ட பள்ளி மேலாண்மைக் குழுஉறுப்பினர்களுக்கு ஜூலை 20-ம்தேதி வரையிலும், அதே ஆண்டுஏப்.30-ம் தேதி கட்டமைக்கப்பட்டவர்களுக்கு ஜூலை 27-ம் தேதிவரையிலும், 2022-ம் ஆண்டு மேமாதம் கட்டமைக்கப்பட்ட பள்ளிமேலாண்மைக் குழு உறுப்பினர்களுக்கு ஆக.10-ம் தேதி வரையிலும், அதே ஆண்டு ஜூலை மாதம்கட்டமைக்கப்பட்ட உறுப்பினர்களுக்கு ஆக.17-ம் தேதி வரையிலும் பதவி காலம் நீட்டித்து பள்ளிக்கல்வித் துறை உத்தரவிடுகிறது.

அதேபோல், 2024-26-ம்ஆண்டுகளுக்கான பள்ளி மேலாண்மைக் குழு மறுகட்டமைப்புக்கான புதிய உறுப்பினர்களை வரும் ஜூலை மற்றும் ஆகஸ்ட் மாதத்துக்குள் நியமிக்க வேண்டும். இந்த மறுகட்டமைப்பு நடைமுறைகளை மேற்கொள்ள தமிழ்நாடு மாதிரி பள்ளிகள் உறுப்பினர் செயலர் நடவடிக்கை எடுக்கவும் அறிவுறுத்தப்படுகிறது. இவ்வாறு அதில் கூறப்பட்டுள்ளது.