தமிழகமெங்கும் பிரபல நகைக்கடையில் வருமான வரித்துறை சோதனை

தமிழகமெங்கும் பிரபல நகைக்கடையில் ஒரே நேரத்தில் வருமானவரித்துறையினர் சோதனை நடத்தி வருகின்றனர்.

புகழ்பெற்ற அந்த நகைக்கடை, தமிழகத்தின் பல ஊர்களிலும் உள்ளது. இந்த நகைக்கடைகளில் இன்று காலையில் இருந்தே, வருமானவரித்துறையினர் சோதனை மேற்கொண்டு வருகின்றனர்.

அந்த வகையில் விழுப்புரம் - திருச்சி சாலையில் அமைந்துள்ள கடையில் இன்று காலை 9 மணிக்கு வருமானவரித்துறை அதிகாரிகள் 7 பேர், வாடிக்கையாளர்கள் வருவதற்கு முன்னதாகவே வந்தார்கள்.

கடை திறந்தவுடன் உள்ளே நுழைந்தவர்கள், கடையின் பிரதானகதவை மூடி சோதனை மேற்கொண்டுள்ளனர்.

தமிழகத்தில் உள்ள அந்நிறுவனத்தின் நகைக் கடைகள் அனைத்திலும் வருமானவரி சோதனையை காலையிலே மேற்கொண்டுள்ளனர் அதிகாரிகள்.