மாற்றத்தை எதிர்நோக்குகிறேன், மாற்றம் தவிர்க்க முடியாதது: விஷால்

மாற்றத்தை எதிர்நோக்குகிறேன், மாற்றம் தவிர்க்க முடியாதது என்று ஆர்.கே.நகர் தேர்தலில் சுயேட்சையாக களமிறங்குவது குறித்து விஷால் தெரிவித்திருக்கிறார்.

ஆர்.கே.நகர் தேர்தல் களம் சூடு பிடிக்கத் தொடங்கியுள்ளது. டிசம்பர் 21-ம் தேதி வாக்குப்பதிவும், 24-ம் தேதி தேர்தல் முடிவும் வெளியாகவுள்ளது. ஆர்.கே.நகரில் அதிமுக சார்பில் மதுசூதனன், திமுக சார்பில் மருதுகணேஷ், டிடிவி தினகரன், பாஜக என நான்குமுனைப் போட்டி நிலவி வந்த நிலையில் விஷாலும் போட்டியிடவுள்ளதால் தற்போது ஐந்துமுனைப் போட்டி உருவாகியுள்ளது.

இந்நிலையில் தேர்தலில் போட்டியிடவுள்ளது குறித்து விஷால் கூறியிருப்பதாவது:

ஆர்.கே.நகர் இடைத்தேர்தலில் போட்டியிட முடிவெடுத்துள்ளேன். திங்கட்கிழமை (டிச.4ம் தேதி) நான் வேட்புமனு தாக்கல் செய்யவிருக்கிறேன். மாற்றத்தை எதிர்நோக்குகிறேன், மாற்றம் தவிர்க்க முடியாதது

இவ்வாறு அவர் தெரிவித்திருக்கிறார்.