ப்ரீமியம்
மகளிர் உரிமைத் தொகை திட்டம் முதல் செந்தில் பாலாஜி தரப்பு பரபரப்பு வாதம் வரை | செய்தித் தெறிப்புகள் 10 @ செப்.15, 2023

கலைஞர் மகளிர் உரிமைத் தொகை திட்டம் தொடக்கம்: கலைஞர் மகளிர் உரிமைத் தொகை திட்டத்தை அண்ணா பிறந்தநாளான வெள்ளிக்கிழமை காஞ்சிபுரம் பச்சையப்பன் ஆடவர் கல்லூரி மைதானத்தில் நடந்த விழாவில் முதல்வர் ஸ்டாலின் தொடங்கி வைத்தார்.

இந்த விழாவில் பேசிய முதல்வர் ஸ்டாலின் “தமிழக அரசு கொண்டு வந்த திட்டங்களை இன்றைக்கு இந்தியாவே உன்னிப்பாக கவனிக்கிறது. மற்ற மாநிலங்கள் பின்பற்றத் துடிக்குது. இண்டியா கூட்டணிக் கூட்டங்களுக்கு நான் மற்ற மாநிலங்களுக்கு போகும்போது அங்கே வரக்கூடிய அரசியல் தலைவர்களும், பிற மாநிலத்தினுடைய முதல்வர்களும் அரசு கொண்டு வருகின்ற திட்டங்களைப் பற்றி ஆர்வமாக கேட்கிறார்கள்” என்று பெருமிதத்துடன் தெரிவித்தார்.