ஜூன் மாதத்தில் சென்னையில் இயல்பை விட 190% அதிக மழைப் பொழிவு: வானிலை ஆய்வு மையம்

சென்னை: சென்னையில் ஜூன் மாதத்தில் இயல்பை விட 190 சதவீதம் அதிகமாக மழை பதிவாகி உள்ளதாக சென்னை வானிலை ஆய்வு மையம் தெரிவித்துள்ளது.

தென் மேற்கு பருவமழை காலத்தில் கடந்த ஜூன் 1-ம் தேதி முதல் ஜூலை 1-ம் தேதி வரை தமிழகத்தில் 54 மி.மீ மழை பதிவாகி உள்ளது. இது இயல்பை விட (52.3 மி.மீ) 3 சதவீதம் அதிகம் ஆகும். இதே காலக்கட்டத்தில் சென்னையில் 193 மி.மீ மழை பதிவாகி உள்ளது. இது இயல்பை விட (66.7 மி.மீ ) 190 சதவீதம் அதிகம் ஆகும். இதற்கு அடுத்த படியாக காஞ்சிபுரத்தில் 176 சதவீதம் அதிகமாக மழை பதிவாகி உள்ளது. காஞ்சிபுரம் மாவட்டத்தில் 190 மி.மீ மழை பதிவாகி உள்ளது. இது இது இயல்பை விட (68.9 மி.மீ ) 176 சதவீதம் அதிகம் ஆகும்.