அதிமுக மாநிலங்களவை உறுப்பினர் சி.வி.சண்முகம் மருத்துவமனையில் அனுமதி

சென்னை: அதிமுக முன்னாள் அமைச்சரும், மாநிலங்களவை உறுப்பினருமான சி.வி.சண்முகம் திடீர் உடல்நலக்குறைவு காரணமாக மருத்துவமனையில் அனுமதிக்கப்பட்டுள்ளார்.

அதிமுகவின் முன்னாள் அமைச்சரும், மாநிலங்களவை உறுப்பினருமான சி.வி.சண்முகத்துக்கு வியாழக்கிழமை இரவு திடீர் உடல்நலக்குறைவு ஏற்பட்டது. இதன் காரணமாக சென்னையில் உள்ள தனியார் மருத்துவமனையில் அனுமதிக்கப்பட்டார்.

இதனைத் தொடர்ந்து அவருக்கு மருத்துவமனை பரிசோதனை மேற்கொள்ளப்பட்டதாகவும், அவரது உடல்நிலையை மருத்துவ குழுவினர் தொடர்ந்து கண்காணித்து வருவதாகவும் தகவல் வெளியாகியுள்ளது. ஆனால், அவர் எதற்காக அனுமதிக்கப்பட்டார் என்று மருத்துவமனை தரப்பிலிருந்து அதிகாரபூர்வ அறிவிப்பு எதுவும் இதுவரை வெளியாகவில்லை.