முதல்வர் மு.க.ஸ்டாலின் இன்று திருச்சி வருகை

திருச்சி: முதல்வர் ஸ்டாலின் இன்று இரவு திருச்சி வருகிறார்.

திமுக முன்னாள் தலைவர் மறைந்த மு.கருணாநிதியின் நூற்றாண்டு நினைவாக, தயாளு அம்மாள் அறக்கட்டளை சார்பில் திருவாரூர் மாவட்டம் காட்டூரில் கலைஞர் கோட்டம் மற்றும் கருணாநிதி சிலை திறப்பு விழா ஜூன் 20-ல் நடைபெறவுள்ளது.இதில் பங்கேற்க முதல்வர் ஸ்டாலின் சென்னையிலிருந்து விமானம் மூலம் இன்று இரவு திருச்சி வருகிறார்.

பிறகு கார் மூலம் திருவாரூர் செல்கிறார். நாளை (ஜூன் 19) காலை கலைஞர் கோட்டத்தைப் பார்வையிடுகிறார். பின்னர், ஜூன் 20-ல் கலைஞர் கோட்டம் திறப்பு விழாவில் பங்கேற்ற பிறகு, அன்றிரவு மன்னார்குடியில் இருந்து மன்னை விரைவு ரயில் மூலம் சென்னைக்கு புறப்படுகிறார்.