கோவை - நாகர்கோவில் ரயில் சேவையில் நாளை மாற்றம்

கோவை: சேலம் கோட்ட ரயில்வே அலுவலகம் வெளியிட்ட செய்திக் குறிப்பில், “கோவில்பட்டி - வாஞ்சி மணியாச்சி ரயில் நிலையங்களுக்கு இடையே உள்ள கடம்பூர் ரயில் நிலையம் அருகே சுரங்கப்பாதை அமைக்கும் பணிகள் நடைபெற உள்ளதால், கோவையில் இருந்து நாளை (ஜூன் 13) காலை 8 மணிக்கு நாகர்கோவில் புறப்பட்டுச் செல்லும் ரயில் (எண்: 16322), திண்டுக்கல் - நாகர்கோவில் இடையே ரத்து செய்யப்படுகிறது.

இந்த ரயில் கோவையில் இருந்து திண்டுக்கல் வரை மட்டுமே இயக்கப்படும். மேலும், நாகர்கோவிலில் இருந்து நாளை காலை 7.35 மணிக்கு புறப்பட்டு இரவு 7 மணிக்கு கோவை வந்தடைய வேண்டிய ரயில் (எண்:16321), நாகர்கோவில் - திண்டுக்கல் இடையே ரத்து செய்யப்படுகிறது. இந்த ரயில் திண்டுக்கல்லில் இருந்து புறப்பட்டு கோவை ரயில் நிலையம் வந்தடையும்” என்று தெரிவிக்கப்பட்டுள்ளது.