ப்ரீமியம்
பிரார்த்தனை | வண்ணக் கிளிஞ்சல்கள் 28

நண்பர் ஒருவர் பத்து ஆண்டுகளாகத்தன் மகனுக்குப் பொருத்தமான பெண்ணைத் தேடிக்கொண்டி ருந்தார். எதிர்பாராத ஒரு கணத்தில் எல்லாம் கூடிவந்து, ஒரே வாரத்தில் திருமணம் முடிவாகிவிட்டது. அதே மாதத்தில் மயிலம் கோயிலில் திருமணத்தை நடத்திவைக்கும் ஏற்பாடுகளில் இறங்கிவிட்டார்.

குறிப்பிட்ட நாளில் கோயிலுக்குப் புறப்பட்ட அவர்களுடைய வாகனத்திலேயே நானும் சேர்ந்து கொண்டேன். கோயில் மண்டபக்கூடம் பத்துக்கும் மேற்பட்ட சதுரங்களாகப் பிரிக்கப்பட்டு, திருமணங்கள் நடைபெற்றுக் கொண்டிருந்தன. நண்பருக்கு ஒதுக்கப்பட்ட வரிசை எண்ணை அழைப்பதற்கு இன்னும் ஒரு மணி நேரமாவது ஆகும். ஒருவிதத் தொழில் நேர்த்தியோடு திருமணம் நடந்தேறும் வேகத்தைப் பார்க்கப் பார்க்க வியப்பாக இருந்தது.