ப்ரீமியம்
அருங்காட்சியக உலா: வரவேற்கும் ‘கும்பிடு பூச்சி’

அண்மையில் பூச்சிகளின் அதிசய உலகில் நுழைந்து வந்த அனுபவம் மறக்க முடியாதது. கோவை தமிழ்நாடு வேளாண் பல்கலைக்கழக வளாகத்துக்குள் ‘பூச்சிகள் அருங்காட்சியகம்’ இருக்கிறது. ‘வண்ணத்துப்பூச்சி’யிலிருந்து ‘கும்பிடு பூச்சி’ வரை இடம்பெற்றிருக்கும் தகவல் சுரங்கமாக இந்த அருங்காட்சியகம் அமைந்திருக்கிறது!

பொதுவாக அருங்காட்சியகங்களில் பெரிதினும் பெரிது கேள் என்கிறாற்போல் டைனசோர், காண்டாமிருகம், காட்டெருது போன்ற விலங்குகளின் பிரம்மாண்டமான சிற்பம் ஒன்று நம்மை வரவேற்கும். பூச்சிகள் உலகின் நுழைவாயிலில் வரவேற்பது ‘கும்பிடு பூச்சி'. எங்களின் வழிகாட்டியாக வந்த முனைவர் சித்ரா, பூச்சிகள் குறித்து சுவாரசியமான விஷயங்களைப் பகிர்ந்துகொண்டார்.