நாம் வாழும் இந்த வாழ்க்கைக்கான அர்த்தம் குறித்து ஒவ்வொருவருக்கும் ஒவ்வொரு விதமான எண்ணம் உண்டு. சிலருக்குத் தனக்காகவும் தன் குடும்பத்துக்காகவும் வாழ்வது மட்டுமே நிறைவு தராது. சமூகத்துக்கும் ஏதேனும் செய்ய வேண்டும் என்கிற ஆர்வம் இருக்கும். அவர்களைப் போன்றவர்களால்தாம் இந்தச் சமூகம் அடுத்த நிலைக்கு நகர்கிறது.

அப்படிப்பட்ட வித்தியாச மனிதர்களில் ஒருவர் அமலராஜன். பணி நெருக்கடியுள்ள மனியம்பட்டி அரசுப் பள்ளித் தலைமை ஆசிரியராக இருந்தாலும் விடுமுறை நாள்களில் ஒரிகாமி கலைஞராகக் கிராமம், நகரம் என்று தமிழ்நாடு முழுவதும் பயணித்துக்கொண்டிருக்கிறார்.