ப்ரீமியம்
ஆங்கிலம் அறிவோமே 4.0: 72 - அதென்ன ‘ஜுகல்பந்தி?’

அமெரிக்கா தொடர்பான செய்தி ஒன்றில் ‘It is a battleground state’ என்று குறிப்பிடப்பட்டிருந்தது. இதற்கு என்ன அர்த்தம்? - தேர்தலில் வெற்றி பெற அந்த மாநிலம் முக்கியமானது என்று பொருள். அங்கு பிரச்சாரத்துக்கு அதிக நேரமும் அதிக தொகையும் செலவழிப்பார்கள். வரும் தேர்தலில் இப்படிப்பட்ட மாகாணங்கள் என அரிசோனா, ஜார்ஜியா, மிஷிகன், நெவாடா, பென்சில்வேனியா, விஸ்கான்சின் ஆகியவை கூறப்படுகின்றன.

‘Confidant’, ‘confident’, ‘confidante’ என்ன வித்தியாசம்? - ‘Confidant’ என்பது ஒரு நபரைக் குறிக்கிறது. அதாவது, அவரை நம்பி ரகசியங்களையும் பகிர்ந்துகொள்ளலாம். அந்த நபர் ஆணாகவோ பெண்ணாகவோ இருக்கலாம். முன்பெல்லாம் இப்படிப்பட்ட நம்பகமான நபர் பெண்ணாக இருந்தால் ‘confidante’ என்று குறிப்பிடப்பட்டது. ‘Confident’ என்பது ‘adjective’. ‘I am confident’ என்றால் எனக்கு நம்பிக்கை இருக்கிறது. ‘Be confident’ என்றால் நம்பிக்கையோடு இரு என்று பொருள்.