ப்ரீமியம்
தமிழ் இனிது 12: அதெப்படி ‘மருவி’ மாறுகிறது?

பிற்காலச் சோழர்கள் ‘பரகேசரி', ‘ராஜகேசரி' என்றும்; பாண்டியர்கள் ‘ஜடாவர்மன்’, ‘மாறவர்மன்' என்றும் முன்னோர் பெயரில் பட்டம் சூட்டிக்கொண்ட வரலாறு தமிழ்நாட்டில் உண்டு. செட்டிநாட்டுப் பெரியோர் உள்ளிட்ட தமிழர் சிலரிடம் இவ்வழக்கம் இன்றும் உள்ளது. இதில் தந்தைவழிப் பெயர்கள்தான் இருக்கும். தாய்வழிச் சமூகத்தை மாற்றி, தந்தைவழிச் சமூகமாக நிலைநிறுத்திய ஆணரசியலும் இதில் உள்ளது.

இலக்கணத்தில் ‘மரூஉ’ - இந்த வகையில் வந்ததுதான் தாத்தா பெயரைப் பெயரனுக்கும், அரிதாகப் பாட்டி பெயரைப் பெயர்த்திக்கும் வைக்கும் வழக்கம். பெயரைத் தாங்கியவன்/ள்என்று பொருள். பெயரோடு, முன்னோர் பெருமையைத் தாங்கிய எனும் உட்பொருளும் உண்டு. பேச்சுவழக்கில் பெயரன் ‘பேரன்' ஆனான். இதை இலக்கணத்தில் ‘மரூஉ' என்பர். பேச்சு வழக்கில் மருவி – மாறி ஒலிப்பதே ‘மரூஉ.’