ப்ரீமியம்
பக்கத்து வீடு: ஐம்பதைத் தாண்டியும் கனவு நனவாகும்!

பாரிஸ் ஒலிம்பிக் போட்டியில் பதக்கமோ முக்கியமான கட்டத்தையோ அடையாமலே புகழ்பெற்றிருக்கிறார் ஜீயிங் ஜாங். 58 வயதில் சிலியின் டேபிள் டென்னிஸ் வீராங்கனையாகத் தகுதிபெற்று, ஒலிம்பிக் போட்டியில் பங்கேற்றுத் திரும்பியிருக்கிறார்.

சீனாவில் பிறந்த ஜீயிங்குக்கு மிகச் சிறிய வயதிலேயே டேபிஸ் டென்னிஸை அறிமுகம் செய்து வைத்து, பயிற்சியாளராகவும் இருந்தவர் அவருடைய அம்மா. ஒன்பது வயதில் முறையாகப் பயிற்சியை ஆரம்பித்த ஜீயிங், 12 வயதில் தொழில்முறை விளையாட்டு வீராங்கனையாக மாறினார். 16 வயதில் சீனாவின் தேசிய அணியில் இவருக்கு இடம் கிடைத்தது. அடுத்த இரண்டே ஆண்டுகளில் 1988ஆம் ஆண்டு நடைபெற்ற ஒலிம்பிக் போட்டியில் சீனாவின் சார்பாகப் பங்கேற்கத் தேர்வானார் ஜீயிங்.