ப்ரீமியம்
வாசிப்பை நேசிப்போம்: படித்ததால் காலியான எண்ணெய்க் குப்பி!

எனக்குப் பத்து வயதிருக்கும். கோடை விடுமுறையில் என் பாட்டி வீட்டுக்குச் சென்றிருந்தோம். அது சிறிய கிராமம். ஒரே ஒரு பெட்டிக்கடை மட்டுமே அங்கு உண்டு. பாட்டி என்னிடம் மூடியில்லாத எண்ணெய் பாட்டிலைக் கொடுத்து 100 மி.லி. தேங்காய் எண்ணெய் யையும் 100 கிராம் பொட்டுக் கடலையையும் வாங்கிவரச் சொன்னார். வாங்கியாச்சு. பொட்டுக்கடலையை மடித்துத் தந்த தாளில் என்ன செய்தி இருக்கிறது என்பதைச் சுற்றிவளைத்து எப்படியோ படித்துவிட்டேன். ஆனால், வீடு வந்து சேர்ந்தபோது அதே காலி எண்ணெய் பாட்டில். வாசிக்கும் ஆர்வத்தில் எண்ணெய் முழுவதையும் கொட்டியிருக்கிறேன். பாட்டியிடம், ‘வாத்தியார் பிள்ளை மக்கு’ என்று பட்டம் வாங்கினேன்.