ப்ரீமியம்
தூக்கத்தின் தரத்தையும் நேரத்தையும் அதிகரிக்கும் வழிகள்

தூக்கம் என்பது மூளை தன்னைத்தானே புதுப்பித்துக்கொள்ளும் ஓர் இயற்கையான வழி. மீண்டும் புத்துணர்வோடு மூளை செயல்படுவதற்காக அப்போது உடலுக்கு ஓய்வு அளிக்கப்படும். பொதுவாக ஒருவருக்கு நாள் ஒன்றுக்கு ஆறிலிருந்து எட்டு மணி நேரத் தூக்கம் அவசியம். தூக்கம் குறையும்போது உடலின் நலமும் உள்ளத்தின் நலமும் பாதிக்கப்படுகின்றன.

இளவயதில் தேவையான அளவுக்குத் தூங்காதவர்களுக்கு நாற்பது வயதிலேயே ஞாபக மறதி வந்துவிடுகிறது. அறுபது வயதுக்குப் பிறகு அனைவருக்குமே தூக்கம் சற்றுக் குறைவது இயல்பானதுதான். இந்த வயதில் ஐந்து மணி நேரத் தூக்கம்கூடப் போதுமானதே. ஆனால், தூங்கும் நேரத்தின் அளவைவிட எவ்வளவு நேரம் ஒருவர் தொடர்ந்து ஆழ்ந்த தூக்கத்தைப் பெறுகிறார் என்பதுதான் முக்கியம்.