நகப் பராமரிப்பு: கவனம் தேவை

# நீளமாக நகம் வளர்க்க நீங்கள் ஆசைப்படலாம். ஆனால், அது முதலுக்கே மோசம் செய்துவிடக் கூடும். எவ்வளவு நீளமாக வளர்க்க ஆசைப்படுகிறீர்களோ, அவ்வளவு ஆபத்து. அதனால் அளவாக வளர்த்து வளமாக வாழுங்கள். கையால் சாப்பிடுவதற்கும் நீளமற்ற நகமே ஏற்றது.

# நகங்களை நீண்ட நேரத்துக்குத் தண்ணீரில் முக்கி வைத்திருக்காதீர்கள். நகங்கள் சீக்கிரமாக உடைந்து போக, அது வழிவகுக்கும்.

# உணவில் வைட்டமின் பி7 ஊட்டச்சத்தைச் சேர்த்துக்கொள்ளப் பாருங்கள். இது நகம் வளர உதவும்.

# நகங்களில் வெள்ளைத் திட்டுகள், கறைகளைப் போக்க எலுமிச்சை சாறைப் பயன்படுத்துங்கள். இது இயற்கையானது, நகங்களுக்குக் கேடு விளைவிக்காது.

# நீங்கள் நெயில் பாலிஷ் போடுவீர்களா? புதிதாக நெயில் பாலிஷ் போடுவதற்கு, பழசை அகற்ற ரிமூவர் பயன்படுத்துவீர்கள் இல்லையா? அப்படிப் பயன்படுத்தும்போது, அசிட்டோன் இல்லாததா என்று பார்த்து வாங்குங்கள். அசிட்டோன் உங்கள் நகங்களைப் பாதிக்கக்கூடும்.