முக்கனியில் முதல் கனி மா. மாம்பழம் கோடையின் கொடை. உலகின் வெப்ப மண்டலப் பகுதிகளில் மாங்கனியின் உற்பத்தி அதிகம். மாம்பழத்தை அதன் சுவைக்கு மட்டுமே நாம் பிரதானப்படுத்துகிறோம். சுவையைத் தாண்டி மாம்பழத்தில் ஏராளமான சத்துகள் நிறைந்திருப்பது நம்மில் பலருக்குத் தெரிவதில்லை.

ஊட்டச்சத்து: 200 கிராம் எடை கொண்ட ஒரு மாங்கனியில் 150 கிலோ கலோரியும் 28 கிராம் மாவுச்சத்தும் உள்ளன. புரதச் சத்து இதில் அரிதாகக் காணப்படுகிறது. கொழுப்புச் சத்து மாங்கனியில் இல்லை.