ப்ரீமியம்
பச்சை வைரம் 03: பித்தம் போக்கும் அகத்தி

ஆர்மோனியப் பெட்டி பொத்தான்களின் வரிசை நேர்த்திபோல, வரிசைக்கிரமமாக அமைந்திருக்கும் இலைகள் அகத்திக் கீரைக்குச் சொந்தம். ஆர்மோனியப் பெட்டியிலிருந்து பிறப்பெடுக்கும் இசை மனதைச் சாந்தப்படுத்தும். அகத்திக் கீரையின் மருத்துவ இசையோ பித்த நோய்களைச் சாந்தப்படுத்தும். பூநாரையின் அலகைப் போன்ற வளைந்த பூக்களைக் கொண்ட அகத்தி, தோற்றத்திலும் மருத்துவக் குணத்திலும் மேம்பட்டது!

வெற்றிலைக் கொடிகள் பற்றி ஏற ஆதாரமாகவும், பயிர்களுக்கான வேலித் தாவரமாகவும் பயிரிடப்படும் அகத்தி, பித்தம் போக்கும் நற்கீரையாகப் பார்க்கப்படுகிறது. அகத்தில் இருக்கும் தீயை (அகம், தீ) அணைக்கும் இதன் பண்பை மையப்படுத்தியதே இதற்கான பெயர்க்காரணம் எனலாம்.