ப்ரீமியம்
விடை தேடும் அறிவியல் 05: டைனசோர்களை உயிருடன் கொண்டு வர முடியுமா?

ஜுராசிக் பார்க் திரைப்படத்தில் பிரம்மாண்டமான டைனசோர்களைப் பார்த்து ஆச்சரியப்பட்டிருப்போம். ஆபத்தான விலங்குகளாகத் தெரிந்தாலும் அவற்றை ஒருமுறையாவது நேரில் பார்த்துவிட வேண்டும் என்று தோன்றியிருக்கும். ஆனால், டைனசோர்கள் அழிந்து 6.5 கோடி ஆண்டுகள் ஆகிவிட்டன. இப்போது டைனசோர்களை உயிருடன் கொண்டுவர முடியுமா?

ஒவ்வோர் உயிரினத்துக்கும் டி.என்.ஏ. இருக்கிறது. இந்த டி.என்.ஏ.தான் அந்த உயிரினத்தின் உருவம், பண்பு, இனப்பெருக்கம் உள்ளிட்டவை எப்படி இருக்க வேண்டும் என்பதை நிர்ணயிக்கும் வரைபடம். மறைந்துபோன உயிரினங்களின் டி.என்.ஏ. எச்சங்கள் படிவங்களில் (Fossil) இருக்கும். அந்த டி.என்.ஏ.வின் தகவலை எடுத்து குளோனிங் மூலம் அந்த விலங்கை உருவாக்கலாம். இதை விஞ்ஞானிகள் 1996இல் சாத்தியப்படுத்திவிட்டார்கள்.