மேஜிக்... மேஜிக்... - இடம் மாறும் மந்திர நாணயம்

வணக்கம் குழந்தைகளே. இந்த வாரம் உங்களுக்கு மிகவும் பிடித்த நாணய மேஜிக்கை செய்யப்போகிறோம். எளிதாக எப்படிச் செய்வது என பார்ப்போமா?

என்னென்ன தேவை

நான்கு நாணயங்கள்

மேஜிக் செய்வது எப்படி?

# நான்கு நாணயங்களையும் ஒரு மேஜையின் மீது வைத்து, அதிலிருந்து இரண்டு நாணயங்களை எடுத்துக்கொள்ளுங்கள். இரண்டு கைகளுக்குள் வைத்து, கைகளை மூடிக் கொள்ளுங்கள்.

# மேஜையின் மீது இருக்கும் மற்ற இரண்டு நாணயங்களை எடுத்து, மூடியிருக்கும் கைகளின் விரல்களின் மீது படத்தில் காட்டியதைப் போல வைத்துக்கொள்ளுங்கள்.

# இப்போது கைகளைத் திருப்பினால், விரல் மேல் இருக்கும் இரண்டு நாணயங்களும் கீழே விழுந்துவிடும்.

# இப்போது பக்கத் தில் இருக்கும் உங்கள் நண்பர் யாரையாவது கூப்பிட்டு, நாணயங்களை மீண்டும் மூடியிருக்கும் கைகளின் மீது வைக்கச் சொல்லுங்கள்.

# அடுத்து, விரல்களின் மேல் இருக்கும் நாணயங்களை, கைகளின் உள்ளே விழவையுங்கள்.

# இப்போது, மந்திரம் சொல்லிக் கைகளைத் திறந்தால், ஒரு கையில் ஒரே ஒரு நாணயமும், இன்னொரு கையில் மூன்று நாணயங்களூம் இருக்கும்.

மேஜிக் ரகசியம்:

# நீங்கள் கைகளுக்குள் இரண்டு நாணயங்களும், கைகளுக்கு வெளியில் விரல்களின் மேல் இரண்டு நாணயங்களும் வைத்து, கைகளைத் திருப்பினீர்கள் இல்லையா?

# நீங்கள் கைகளுக்குள் இரண்டு நாணயங்களும், கைகளுக்கு வெளியில் விரல்களின் மேல் இரண்டு நாணயங்களும் வைத்து, கைகளைத் திருப்பினீர்கள் இல்லையா?

# அப்போது, ஒரு கைக்கு மேல் இருக்கும் நாணயத்தை, கைகளுக்கு உள்ளே மறைத்துக்கொண்டு, மறு கையில் இருக்கும் இரண்டு நாணயங்களைக் கீழே விழ வைக்க வேண்டும்.

# இப்போது உங்களது ஒரு கை காலியாகவும், மறு கையில் இரண்டு நாணயங்களும் இருக்கும். உங்கள் கைகள் எப்போதும் மூடிய நிலையில்தான் இருக்க வேண்டும்.

# அடுத்து, உங்கள் நண்பரை அழைத்துக் கீழே இருக்கும் நாணயங்களைக் கைகளின் மீது வைக்கச் சொல்லும்போது, ஒரு கையில் விரல்களுக்கு மேல் ஒரு நாணயமும், மற்றொரு கையில் விரல்களுக்கு மேல் ஒரு நாணயமும், விரல்களுக்குள் கையில் இரண்டு நாணயங்களும் இருக்கும்.

# அடுத்ததாகக் கைகளின் மேல் இருக்கும் நாணயங்களைக் கைகளுக்குள் விழவைத்து கைகளைத் திறக்கும்போது, ஒரு கையில் ஒரு நாணயமும், மற்றொரு கையில் மூன்று நாணயங்களும் இருக்கும்.