ப்ரீமியம்
இன்ஸ்டகிராமில் போட்டோவுக்கு கட்அவுட்டு!

சமூக வலைத்தளத்தின் ‘புதிய டிக் டாக்’ எனச் சொல்லும் அளவுக்கு ரீல்ஸ் மயமாக இன்ஸ்டகிராம் மாறியிருக்கிறது. உலக அளவில் 100 கோடி இன்ஸ்டகிராம் பயனாளர்களில் இந்தியாவில் மட்டும் 23 கோடிக் கணக்குகள் உள்ளன. காணொளி ரீல்ஸ் மோகம் தலைக்கேறி வரும் நிலையில், இன்ஸ்டகிராமில் இனி ரீல்ஸ்க்குப் பதில் ஒளிப்படங்களுக்கு முக்கியத்துவம் அளிக்கப்படும் எனப் புதிய அறிவிப்பை இன்ஸ்டகிராம் வெளியிட்டிருக்கிறது.

2010இல் தொடங்கப்பட்ட இன்ஸ்டகிராமை, அடுத்த சில ஆண்டுகளில் மெட்டா நிறுவனம் வசப்படுத்தியது. பயனர்களின் அனுபவத்தை மெருகேற்ற அவ்வப்போது புதிய அம்சங்களை வெளியிடுவதை வழக்கமாகக் கொண்டிருந்தது இன்ஸ்டகிராம். 2020ஆம் ஆண்டில்தான் ரீல்ஸை அறிமுகப்படுத்தியது. டிக்டாக் செயலிக்குத் தடைவிதிக்கப்பட்ட நிலையில், புதிதாக அறிமுகமான ரீல்ஸ் பெரும் வரவேற்பைப் பெற்றது. டிக்டாக் பயனர்கள் அப்படியே இன்ஸ்டகிராமுக்குத் தாவினர்.