ப்ரீமியம்
மெர்சலாக்கும் மாயாஜாலம்!

மாயாஜால நிகழ்ச்சி என்றாலே நீண்ட கறுப்பு உடை, தலையில் தொப்பி, கையில் சிறு கோலுடன் மேடையின் மையத்தில் போடப்பட்டிருக்கும் மேசையை விட்டு இந்தப் பக்கம், அந்தப் பக்கம் நகராமல் மேஜிக் செய்யும் கலைஞர்கள்தாம் நம் மனத்தில் தோன்றுவார்கள். ஆனால், சென்னை ரஷ்ய கலாச்சார மையத்தில் நடந்த அலெக்ஸ் பிளாக்கின் மாயாஜால நிகழ்ச்சி. வழக்கமான இந்தச் சட்டகத்துக்குள் பொருந்தவில்லை.

அரங்கத்தில் இருக்கும் குழந்தைகளிடம் சிநேகமாகப் பேசுவது, இளைஞர்களை மேடைக்கு அழைத்து அவர்களையும் தான் செய்யவிருக்கும் மாயாஜால சாகசங்களுக்கு உதவியாளர்களாக மாற்றுவது, நகைச்சுவையுடன் பேசி கலாய்ப்பது என்று அரங்கில் இருந்தவர்களைத் தன்னுடைய மாயாஜால செயல்களால் மட்டுமல்லாமல், தோழமையோடு மேஜிக்கை நிகழ்த்தும் கலைஞன் என்பதைப் புரியவைத்தார், உலகப் புகழ்பெற்ற இல்யூஷனிஸ்ட், மாயாஜாலக் கலைஞர் அலெக்ஸ் பிளாக்.