ப்ரீமியம்
பைக் பரிதாபங்கள்! | ஈராயிரத்தில் ஒருவன்

‘எம்.டி. பிளாக் பைக் வெச்சிருக்க பசங்க எல்லாம் தங்கம், அழகு! அந்த மாதிரி பையன்லாம் கிடைக்கமாட்றானே' என வெட்கமும் அங்கலாய்ப்புமாக ஓர் ஈராயிரக் குமரி மைக்கின் முன் பேசும் காணொளிக்கு இன்ஸ்டகிராமில் ஹார்ட்டின்கள் பறந்து கொண்டிருக்கின்றன. இதோ, இங்கு பக்கத்து தெருவில் எம்.டி. பைக் வாங்கி தந்தால்தான், கல்லூரிக்குப் போவேன் எனக் காலவரையறையற்ற உண்ணாவிரதத்தைத் தொடங்கியிருக்கிறான், ஒரு தம்பி. இதுவே வண்ணத்துப்பூச்சி விளைவு எனப்படுகிறது.

வண்ணத்துப்பூச்சி விளைவு: பொதுவாக, பைக் மீதான ஆர்வ மென்பது எல்லாத் தலைமுறையின ரிடமும் இருந்திருக்கிறது. `டபுள் சைலன்ஸரோட ஜாவா பைக் நிற்குற தோரணையில குதிரை தோத்துரும்' என அடிக்கடி சொல்லிக்கொண்டே இருப்பார் அப்பா. கையில் காசு இருந்தும், நல்ல மைலேஜ் தரும் புது ரக பைக்குகள் சந்தையில் இருந்தும் தேடிப் பிடித்து ஒரு சுசுகி மேக்ஸ் ஆர் 100 பைக்கை வாங்கி வந்தார். அதன் 2 ஸ்ட்ரோக் இன்ஜினின் இசையை ரசிப்பதற்காகவே, காலை வேளைகளில் தன்னந்தனியாக எங்கேயாவது போய் வருவார்.