ப்ரீமியம்
அலப்பறைகளைக் கூட்டும் ‘ரீ-ரிலீஸ்’ ரசிகர்கள்!

முன்பெல்லாம் பொங்கல், தீபாவளி, புத்தாண்டு எனப் பண்டிகைகளுக்கு வெளியாகும் உச்ச நட்சத்திரங்களின் திரைப் படங்களால்தான் திரையரங்குகள் விழாக்கோலம் காணும். தற்போது டிரெண்டாகி வரும் ‘ரீ-ரிலீஸ்’ கலாச்சாரத்தால் ‘கொண்டாட்டம்’ திண்டாட்டமாகப் போய்விட்டது. ஏற்கெனவே ஒரு தசாப்தத்துக்கு முன்பு வெளியாகி ‘ஹிட்’டான படங்களை ‘ரீ-ரிலீஸ்’ செய்யும் போக்கு அதிகரித்துள்ள நிலையில், இளம் ரசிகர்களின் திரையரங்கக் கொண்டாட்டங்கள் கேள்விக்குள்ளாகி வருகின்றன.

மறக்க முடியாத அனுபவம்: முன்னணி நடிகர்களின் பிறந்த நாளன்றும், ஒரு திரைப்படம் வெளியாகி வெற்றிபெற்று 15, 20 ஆண்டுகளை நிறைவு செய்ததன் நினைவாகவும், ‘காதலர் தினம்’, ‘நண்பர்கள் தினம்’ போன்று சிறப்பு நாள்களிலும் பழைய படங்கள் ‘ரீ-ரிலீஸ்’ செய்யப்படுவது இன்று வாடிக்கையாகிவிட்டது.