ப்ரீமியம்
நளி நாட்டியம் - 4 (சும்மா சிரிக்கத்தான்): ஹாரன் ஜெயராஜ்கள்!

‘சாலைகளில் ஏன் ஒலி எழுப்புகிறீர்கள்’ என்று இந்தியர்களிடம் கேட்டால், அவர்களின் பதில் ‘வண்டியில ஹாரன் எதுக்கு இருக்கு?’ என்று எதிர்க் கேள்விதான் வரும். ஆனால், ஒரு சிங்கப்பூர்காரர் சொன்னபோது வியப்பாகவும் அதிர்ச்சியாகவும் இருந்தது. அப்போதுதான் ஒன்றைக் கவனித்தேன். சிங்கப்பூரில் எப்போதாவதுதான் ஹாரன் சப்தம் கேட்கும். அவர்கள் தேவையில்லாமல் சாலைகளில் ஒலி எழுப்புவதில்லை.

உலகிலேயே மிக மோசமான மாசு என்றால் அது ஒலி மாசுதான். அதிகபட்ச ஒலியை எழுப்பி ஒரு மனிதனின் மூளையைக் குழப்பபிவிடலாம் என்பது அறிவியல். உண்மையில் எதற்கு ஹாரன் அடிக்கிறோம் என்பதே தெரியாமல் வண்டி ஓட்டுபவர்கள் குழம்புவது ஒரு சோகமான தருணம். வண்டியில் ஹாரனை அழுத்தி ஒலியை எழுப்பினால் சாலை அகலமாக விரிந்து வழிவிடும் என்று எண்ணுவார்கள் போல!