“தயங்கித் தயங்கி நடிக்க வந்தேன்” - பிரபாஸ் பேட்டி

‘சாஹோ' திரைக்கதையைப் பெரிதும் சார்ந்திருக்கும் படம். பெரிய பொருட்செலவில் உருவாகும் முழுமையான ஆக்‌ஷன் த்ரில்லர் என்று சொல்லலாம். திரைக்கதை அமைப்பு ரொம்பப் புதுமையாக இருக்கும். ‘பாகுபலி' படத்துக்கு முன்பாக இக்கதையைக் கேட்டேன். மிகவும் பிடித்துவிட்டது. இதற்காகக் காத்திருந்து இப்போதுதான் படப்பிடிப்பு தொடங்கியுள்ளோம். ‘பாகுபலி' படத்துக்காக உடலைக் கட்டுமஸ்தாக மாற்றினேன். இப்படத்துக்காக எடை குறைத்து உடலை இளைக்க வைத்துள்ளேன்.

(சிரித்துக்கொண்டே) ராஜமெளலியின் மேஜிக், என் வாழ்க்கையின் அதிர்ஷ்டம் ஆகியவைதான் காரணம். ராஜமெளலியின் எண்ண ஓட்டத்துக்கு ஒட்டுமொத்தப் படக்குழுவும் கடுமையாக உழைத்தோம். உலக மக்களிடையே இரண்டு பாகங்களும் வரவேற்பு பெற்றதற்குக் கண்டிப்பாக அதிர்ஷ்டமும் ஒரு காரணம்.

அப்படியில்லை என நினைக்கிறேன். கதை மட்டுமே பொருளாதாரத்தை முடிவு செய்கிறது. ஆக்‌ஷன் கதை என்றால் பெரிய பொருட்செலவாகும். அடுத்ததாக ஒரு காதல் கதையில் நடிக்கவுள்ளேன். கதை நன்றாக இல்லாமல், பெரிய பொருட்செலவு செய்து பயனில்லை. ‘பாகுபலி' படத்தை ரூ.150 கோடியில் கூட எடுத்திருக்கலாம். ஆனால், ராஜமெளலி அனைத்து விதத்திலுமே சிறப்பாக இருக்க வேண்டும் எனப் பிடிவாதமாக இருந்தார். முதல் பாகத்தின் நீர்வீழ்ச்சி காட்சியை விவரிக்கும்போதே, இந்தியத் திரையுலகில் யாருமே பார்த்திராத ஒரு காட்சியாக அதைப் பார்த்தேன்.

முன்பிலிருந்தே வரலாற்றுக் கதையில் நடிக்க வேண்டும் என்று ஆசைப்பட்டேன். அது ‘பாகுபலி' மூலம் நிறைவேறிவிட்டது. ஆக்‌ஷன், காதல் கதைகளும் ரொம்பப் பிடிக்கும். ஒரு கட்டத்தில் நிறைய ஆக்‌ஷன் படங்களில் நடித்துப் போரடித்துவிட்டது. உடனே ‘டார்லிங்' என்ற முழுமையான காதல் நகைச்சுவைக் கதையில் நடித்தேன். அடுத்து ‘மிஸ்டர் பெர்ஃபெக்ட்' என்ற குடும்பம் சார்ந்த கதை ஒன்றில் நடித்தேன். ஆக்‌ஷன், காதல் படங்கள் தனிப்பட்ட முறையில் எனக்குப் பிடித்திருக்கிறது என்பதற்காகத் தொடர்ச்சியாக அம்மாதிரியான படங்களிலேயே நடித்தால் கண்டிப்பாக போரடித்துவிடும்.

‘பெல்லி சூப்பூலு', 'அர்ஜுன் ரெட்டி' படங்கள் கண்டிப்பாக மாற்றம்தான். தெலுங்கு திரையுலகம் கொஞ்சம் கொஞ்சமாக மாறிக்கொண்டு வருகிறது. பத்து வருடங்களுக்கு முன்பு இதுபோன்ற படங்கள் வரவில்லை. சமீபத்தில் ‘அர்ஜுன் ரெட்டி' பார்த்தேன். கண்டிப்பாக அது ஒரு ட்ரெண்ட் செட்டிங் படம்தான். அதற்கு மக்களிடையே கிடைத்திருக்கும் வரவேற்பைப் பார்த்து சந்தோஷப்பட்டேன். தெலுங்கு திரையுலகம் அதன் மாற்றத்தை நோக்கிப் போய்க்கொண்டிருக்கிறது. இன்னும் நிறையப் புதுப்புது கதைகளோடு புது இயக்குநர்கள் வந்தார்கள் என்றால் தெலுங்கு திரையுலகம் இன்னும் வலிமையடையும்.