ப்ரீமியம்
வாழ்க்கை வழங்கிய கதாபாத்திரம்! | திரைசொல்லி 13

“ஈராக்கில், மரணமும் வன்முறையும் அன்றாட வாழ்க்கையின் ஒரு பகுதியாக மாறிவிட்டன. உலகின் மிக ஆபத்தான நகரத்தில் வசிக்கும் ஹமூதி என்கிற சிறுவனைப் பற்றி ஒரு திரைப்படத்தை உருவாக்கினேன், ஆனால் தன்னைச் சூழ்ந்திருக்கும் ஆபத்தை உணராத அளவுக்கு, ஒரு கால்பந்தாட்ட வீரனாக வரவேண்டும் என்கிற பெரிய கனவில் இருப்பவன் அவன்.” என சகிம் ஒமர் கலிஃபா, 2023-இல் தாம் இயக்கிய ‘பாக்தாத் மெஸ்ஸி’ (Baghdad Messi) படத்தின் மையக் கதாபாத்திரம் குறித்துக் கூறுகிறார்.

படத்தின் தொடக்கக் காட்சியில், பாக்தாத் நகரின் வீதியொன்றில் ஹமூதி சக நண்பர்களோடு கால்பந்து விளையாடிக்கொண்டிருக்கிறான். அந்தக் குழுவின் அணித்தலைவர் அவன். ஒருநாள் அவனுடைய முன்னு தாரண நாயகனான அர்ஜென்டினா கால்பந்து விளையாட்டு வீரர் லயனெல் மெஸ்ஸியைப் போல் புகழ்பெற்ற ஆட்டக் காரனாக வரவேண்டும் என்பது அவனது இலக்கு. மெஸ்ஸியின் மீது அவன் கொண்டிருக்கும் அளவு கடந்த நேசத்தை முன்னிட்டு நண்பர் குழு அவனுக்கு ‘பாக்தாத் மெஸ்ஸி’ என்கிற பட்டப்பெயரை வைத்திருக்கிறது.