ப்ரீமியம்
‘தங்கப் பதக்கம்’ பொன்விழா: எஸ்.பி.சௌத்ரிக்கு வயது

கடமை - பாசம் இரண்டுக்கும் இடையிலான போராட்டம் என்கிற ஒருவரிக் கதையைத் திரையில் விரித்த படங்களின் பட்டியல் பெரியது. அந்தப் பழைய வார்ப்பில் ஓர் உளவியல் பரிமாணத்தைச் சேர்த்து ‘தங்கப் பதக்கம்’ திரைக்கதையை எழுதியவர் அன்றைக்கு நாடகாசிரியராகவும் பத்திரிகையாளராகவும் இயங்கிக்கொண்டிருந்த மகேந்திரன். அவர் எழுதிய நாடகம், ஒரு வெள்ளி விழா திரைப்படமாக உருவாகக் காரணமாக இருந்தவர் நடிகர் செந்தாமரை!

காவல்துறை அதிகாரியான தனது தந்தையின் கண்டிப்பைத் தவறாகப் புரிந்துகொள்ளும் மகன். அப்பாவின் கண்டிப்புகளுக்கு எதிர்வினைப் புரிவதையே தனது வழக்கமாக்கிக் கொள்கிறான். ஒரு கட்டத்தில் அவரை வீழ்த்த வேண்டும் என்பதையே லட்சியமாகக் கொள்ளும் அந்த மகனின் உளவியல் சிக்கல்தான் ‘தங்கப் பதக்கம்’ படத்தின் மையச் சிக்கலும்.