ப்ரீமியம்
போவோம்.. போய்த்தான் பார்ப்போம்!

‘இந்த முறை கண்டிப்பா ட்ரிப் போறோம்’ - இப்படித்தான் ஆரம்பித்தது எங்கள் ஊர் சுற்றும் திட்டம். எதைப் பண்ணினாலும் பிளான் பண்ணிப் பண்ணணும், இல்லையா?

சுற்றுலாவுக்குத் திட்டமிட 10 பேர் கொண்ட வாட்ஸ் அப் குழு ஒன்றைத் தொடங்கினோம். ஆரம்பமே அமர்க்களம்தான். “எங்கே போறோம்?, “எங்கே போறோம்?”னு ஆளாளுக்குக் கேள்வி கேட்டார்களே தவிர, யாரும் பதிலே சொல்லவில்லை. ‘இங்கே போகலாம், அங்கே போகலாம்’ என 999 இடங்களைப் பரிந்துரைத்து, கடைசியாக விக்கிரமாதித்தனிடம் வேதாளம் கேள்வியில் வந்து நிற்பதைப் போல கோவாவில் வந்து நின்றார்கள். இதெல்லாம் பட்டன் போன் காலத்து பிளான். ஸ்மார்ட் போன் வந்து ஏ.ஐ. அடித்து ஆடிக்கொண்டிருக்கும் இந்தக் காலத்திலும், அதே கோவா பெட்ரோமாக்ஸ் லைட்டேதான் வேணுமா? வாய்ப்பில்லை ராசா எனப் பாதிப் பேர் கம்பிநீட்டப் பார்க்க, பக்கத்தில் இருக்கும் பாண்டிச்சேரிக்கு அடித்தது அதிர்ஷ்டம்.