ப்ரீமியம்
பார்த்தாலே பரவசம்!

தொலைக்காட்சி என்னும் நவீனக் கருவி இந்தியாவில் அறிமுகமான காலகட்டத்தில், மொட்டைமாடியில் ஆண்டெனா இருந்தாலே அந்த வீட்டை ஏக்கத்தோடு பார்த்த காலம் ஒன்று உண்டு. அந்த வீட்டில் திறந்து மூடும் வசதிக்கொண்ட மரப்பெட்டிக்குள் பத்திரமாக வைக்கப்பட்டிருக்கும் கறுப்பு வெள்ளை தொலைக்காட்சிக்கு அன்று இருந்த மதிப்புக்கு ஈடு இணையில்லை.

காட்சிகளின் கனாக்காலம்: எண்பதுகளில் ஒரு தெருவில் ஒரு வீட்டில் தொலைக்காட்சி இருந்தாலே பெரிய விஷயம். விடுமுறை நாள்களில் அந்த வீட்டை சிறுவர், சிறுமியர் மொய்த்துக்கொண்டிருப்பார்கள். சில நேரம் தொலைக்காட்சி வைத்திருப்போர் வீட்டுக்குள்கூட விடமாட்டார்கள். அப்போதும் அந்த வீட்டின் ஜன்னலை ஆக்கிரமித்து தொலைக்காட்சிப் பார்த்த தலைமுறை இன்று 40 - 45 வயதைக் கடந்திருக்கும்.