வார ராசிபலன்கள் 12-03-2020 முதல் 18-03-2020 வரை (துலாம் முதல் மீனம் வரை)

துலாம் ராசி வாசகர்களே

இந்த வாரம் ராசிநாதன் சுக்கிரன் ராசியை ஏழாம் பார்வையாகப் பார்க்கிறார். வீண் அலைச்சல் குறையும். பணவரவு நன்றாக இருக்கும். தொழில், வியாபாரத்தை விரிவுபடுத்துவது தொடர்பில் திட்டங்கள் தோன்றும். மேலதிகாரிகள் கூறுவதை மறுத்துப் பேச வேண்டாம். குடும்பத்தில் குழப்பம் நீங்கும். கணவன் மனைவிக்குள் பரஸ்பரம் அனுசரித்து எதையும் செய்ய வேண்டும். பெண்களுக்கு, மனக்குழப்பம் நீங்கித் தெளிவு உண்டாகும். கலைத் துறையினருக்கு, நெருக்கமானவர்களுடன் இனிமையாகப் பேசிப் பொழுதைக் கழிப்பீர்கள். அரசியல்வாதிகளுக்கு, சிறப்பாகப் பணிபுரிந்து பாராட்டுப் பெறுவீர்கள். பயணங்களால் மகிழ்ச்சியும் ஆதாயமும் கிடைக்கும். மாணவர்களுக்கு, ஆசிரியர்கள் கூறுவதைக் கேட்டு அதன்படி நடப்பதும், பாடங்களில் இருக்கும் சந்தேகங்களை உடனுக்குடன் கேட்டுத் தெரிந்து கொள்வதும் வெற்றிக்கு உதவும்.

அதிர்ஷ்டக் கிழமைகள்: திங்கள், வெள்ளி.
திசைகள்: கிழக்கு, தெற்கு.
நிறங்கள்: சிவப்பு, ஆரஞ்சு.
எண்கள்: 5. 6, 9.
பரிகாரம்: வெள்ளிக்கிழமையன்று விரதம் இருந்து சுக்கிர பகவானை வணங்கி சுண்டல் விநியோகிக்க வேண்டும்.

விருச்சிக ராசி வாசகர்களே

இந்த வாரம் ராசிநாதன் செவ்வாயின் சஞ்சாரத்தால் எல்லாவிதங்களிலும் நன்மை உண்டாகும். தைரியம் அதிகரிக்கும். எதையும் துணிச்சலாகச் செய்து முடிப்பீர்கள். பணவரவு திருப்திகரமாக இருக்கும். தொழில், வியாபாரத்தில் கூடுதல் உழைப்பால் லாபம் கிடைக்கப் பெறுவார்கள். கணவன் மனைவிக்குள் எதையும் நிதானமாக யோசித்துச் செய்வது நன்மை தரும். சொத்து விஷயங்களில் சமாதானம் வரும். பெண்களுக்கு, முயற்சிகளில் சாதகமான பலன் கிடைக்கும். கலைத் துறையினருக்கு, பாராட்டுகள் வரும். வெளிநாட்டுப் பயணங்களும் அமையும். அரசியல்வாதிகளுக்கு, நீண்டநாள் பிரச்சினைகள் விலகும். சகோதரிகள் வழியில் ஆதரவு கிடைக்கும். மாணவர்களுக்கு, கூடுதலாக நேரம் ஒதுக்கிப் பாடங்களைப் படிப்பது வெற்றிக்கு உதவும்.

அதிர்ஷ்டக் கிழமைகள்: ஞாயிறு, செவ்வாய், வியாழன்.
திசைகள்: மேற்கு, வடக்கு.
நிறங்கள்: மஞ்சள், பச்சை.
எண்கள்: 2, 6, 9.
பரிகாரம்: செவ்வாய்க் கிழமையன்று விரதம் இருந்து மாலையில் சிவன், நவக்கிரகங்களை வணங்கிச் செவ்வாய் பகவானுக்குத் தீபம் ஏற்றி வழிபட்டு வர எதிர்ப்புகள் விலகும்.

தனுசு ராசி வாசகர்களே

இந்த வாரம் ராசியில் இருக்கும் கிரகங்களின் சேர்க்கையால் எல்லா விதமான நன்மைகளும் கிடைக்கப் பெறுவீர்கள். வாக்கு வன்மையால் எதையும் சாதகமாகச் செய்து முடிப்பீர்கள். தொழில், வியாபாரத்தில் திறமையான பேச்சால் லாபம் காணலாம். குடும்பத்தில் அமைதியும் மகிழ்ச்சியும் உண்டாகும். கணவன் மனைவிக்குள் நெருக்கம் அதிகரிக்கும். பிள்ளைகளிடம் கனிவுடன் பேசுங்கள். விருந்தினர் வருகை இருக்கும். பெண்களுக்கு, துணிச்சலாக எதிலும் ஈடுபட்டு வெற்றி காண்பீர்கள். கலைத் துறையினருக்கு, பயணத்தால் அனுகூலம் உண்டு. ஒப்பந்தங்கள் கையெழுத்தாகும். அரசியல்வாதிகளுக்கு, உறுதியும் துணிவும் அதிகரிக்கும். மாணவர்களுக்கு, திறமையால் முன்னேற்றம் உண்டாகும். கஷ்டமான பாடங்களையும் துணிச்சலாகப் படித்து முடிப்பீர்கள்.

அதிர்ஷ்டக் கிழமைகள்: ஞாயிறு, செவ்வாய், வியாழன்.
திசைகள்: தெற்கு, வடகிழக்கு.
நிறங்கள்: மஞ்சள், ஆரஞ்சு.
எண்கள்: 2, 3, 4
பரிகாரம்: சிவபெருமானைத் தினமும் 11 முறை வலம் வந்து வணங்கக் குழப்பம் நீங்கித் தெளிவு உண்டாகும்.

மகர ராசி வாசகர்களே

இந்த வாரம் பல வழிகளிலும் ஏற்பட்ட தொல்லைகள் குறையும். உடல் ஆரோக்கியத்தில் கவனம் செலுத்துவது நன்மை தரும். தொழில், வியாபாரத்தில் மெத்தனப் போக்கு மாறும். உத்தியோகத்தில் பதவி உயர்வு, பணி இடமாற்றம் இருக்கும். சக ஊழியர்கள் ஆதரவுடன் எடுத்துக்கொண்ட காரியங்கள் சுமுகமாக முடியும். திடீர் இடமாற்றம் ஏற்பட்டாலும் அதன் மூலம் சாதகம் உண்டாகலாம். குடும்ப ஸ்தானத்தில் புதன் இருக்கிறார். குடும்பத்தில் சுமுகமான நிலை காணப்படும். பெண்களுக்கு, தொல்லைகள் குறையும். கலைத் துறையினருக்கு, உங்கள் கடமைகளைச் சரிவரச் செய்தால் நன்மைகள் கிடைக்கும். அரசியல்வாதிகளுக்கு, நற்பெயர் உண்டாகும். மகிழ்ச்சி கூடும். பெற்றோரின் ஆதரவும் உதவியும் சரியான சமயத்தில் கிடைக்கும். மாணவர்களுக்கு, கல்வியில் மெத்தனப் போக்கு ஏற்படாமல் தீவிரக் கவனத்துடன் பாடங்களைப் படியுங்கள்.

அதிர்ஷ்டக் கிழமைகள்: செவ்வாய், வியாழன்.
திசைகள்: கிழக்கு, தெற்கு.
நிறங்கள்: கருநீலம், பச்சை.
எண்கள்: 8, 9.
பரிகாரம்: மாற்றுத் திறனாளிகளுக்கு உதவுங்கள். பிரதோஷக் காலத்தில் சிவனை வழிபட வேண்டும்.

கும்ப ராசி வாசகர்களே

இந்த வாரம் ராசியில் புதன் இருக்கிறார். இனிமையான பேச்சால் சிக்கலான காரியங்களையும் எளிதாகச் செய்து முடிப்பீர்கள். தொழில், வியாபாரத்தில் சாதுரியமாகச் செயல்பட்டு முன்னேற்றம் காண்பார்கள். குடும்பம், குழந்தைகள் விஷயங்களில் ஈடுபாட்டைக் காண்பிப்பீர்கள். கணவன் மனைவிக்குள் இடைவெளி குறையும். பிள்ளைகள் முன்னேற்றத்துக்காகப் பாடுபடுவீர்கள். உறவினர்கள், நண்பர்கள் மத்தியில் செல்வாக்கு உயரும். பெண்களுக்கு, உங்கள் திறமையால் பாராட்டுகளைப் பெறுவீர்கள். கலைத் துறையினருக்கு, லாபங்கள் பெருகும். கடன் சுமை குறையும். அரசியல்வாதிகளுக்கு, பணிகளைச் செம்மையாகவும் திருத்தமாகவும் செய்வீர்கள். மாணவர்களுக்கு, கோபம் வேண்டாம். பயணத்தில் நிதானம் தேவை. பாடங்களை நன்கு படித்துப் பாராட்டுகளைப் பெறுவீர்கள்.

அதிர்ஷ்டக் கிழமைகள்: திங்கள், வியாழன், வெள்ளி.
திசைகள்: தெற்கு, மேற்கு.
நிறங்கள்: கரும்பச்சை, வெண்மை.
எண்கள்: 4, 5, 8.
பரிகாரம்: ஆஞ்சநேயக் கவசத்தைப் படித்து வருவதுடன் ஆதரவற்றோர் இல்லங்களுக்குச் சென்றுவர மனக் குழப்பங்கள் நீங்கும். தடைபட்ட காரியங்கள் பூர்த்தியாகும்.

மீன ராசி வாசகர்களே

இந்த வாரம் எதிர்ப்புகளைக் கண்டு அஞ்சாமல் செயல்பட்டு வெற்றி காண்பீர்கள். விருந்து, கேளிக்கைகள் உண்டு. தொழில், வியாபாரத்தில் அனைத்தும் சாதகமாக நடந்து முடியும். கணவன் மனைவிக்குள் கருத்து வேறுபாடுகள் நீங்கி ஒற்றுமை ஏற்படும். குழந்தைகளால் பெருமை சேரும். புதிய நண்பர்கள் கிடைப்பதுடன் அவர்களால் நன்மையும் உண்டாகும். பெண்களுக்கு, ஆடை ஆபரணச் சேர்க்கை ஏற்படும். கலைத் துறையினருக்கு, செலவினங்கள் குறையும். நண்பர்களால் அனுகூலம் ஏற்படும். அரசியல்வாதிகளுக்கு, தொல்லைகளும் எதிர்ப்பும் நீங்கி ஒற்றுமையும் உயர்வும் ஏற்படும். மாணவர்களுக்கு, திறமையாக எதையும் செய்து பாராட்டுகளைப் பெறுவீர்கள். கல்வி முன்னேற்றத்துக்கு எடுக்கும் முயற்சிகள் சாதகமான பலன் தரும்.

அதிர்ஷ்டக் கிழமைகள்: புதன், வெள்ளி.
திசைகள்: கிழக்கு, தெற்கு.
நிறங்கள்: மஞ்சள், வெண்மை.
எண்கள்: 3, 6, 9.
பரிகாரம்: வியாழக்கிழமையன்று குரு பகவானுக்கு நெய்தீபம் ஏற்றி அர்ச்சனை செய்து ஏழைகளுக்குத் தயிர்ச் சோறு அன்னதானமாக வழங்கச் செல்வம் சேரும்.