ப்ரீமியம்
மரணத்தின் வழியாக யேசு தரும் மகிழ்ச்சி!

எகிப்திய நாட்டில் மூன்று நூற்றாண்டுகள் அடிமை வாழ்வு வாழ்ந்த யூதர்கள், அதிலிருந்து மீண்டு வந்ததை ஆண்டுதோறும் நினைவுகூர விரும்பினர். அதற்காக, ‘பாஸ்கா’ (பாஸ்கா என்கிற எபிரேயச் சொல்லுக்கு ‘கடந்து வருதல்’ என்று பொருள்) என்கிற விடுதலையின் பெருவிழாவை ஒவ்வொரு ஆண்டும் கொண்டாடத் தொடங்கினர். அந்த பாஸ்கா பண்டிகையின் போதுதான் இறைமகன் யேசு கிறிஸ்து, தனது சொந்த இனத்தினராலேயே படுகொலை செய்யப்பட்டார்.

இத்தனைக்கும் பாஸ்கா பண்டிகையின் ‘விடுதலை’ தத்துவத்தை எடுத்துக்காட்டும் விதமாக, தாங்கள் பரிந்துரைக்கும் கைதிகளை விடுதலை செய்யும்படி தங்களை ஆண்டுவந்த ரோமானிய ஆட்சியாளர்களுக்கு யூத மத பீடத்தின் தலைவர்கள் பரிந்துரை செய்வர்.